09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մակրոնը կոչ է արել Ալիևին՝ վերադառնալ Երևանի և Բաքվի միջև հրադադարի ռեժիմին
Քաղաքականություն
14.09.2022 | 13:15
Ֆրանսիայի նախագահ Էմանուել Մակրոնը հեռախոսազրույց է ունեցել Ադրբեջանի նախագահ Իլհամ Ալիևի հետ և կոչ արել նրան՝ վերադառնալ Բաքվի և Երևանի միջև հրադադարի ռեժիմի պահպանմանը։ Այս մասին հայտնել են Ֆրանսիայի ղեկավարի վարչակազմից։
«Նախագահ Ալիևի հետ հեռախոսազրույցում նախագահ Մակրոնն ընդգծել է հրադադարի պահպանմանը վերադառնալու անհրաժեշտությունը»,- Ելիսեյան պալատի հայտարարությունն է մեջբերում Agence France Press-ը։
Ալիևի հետ զրույցում Ֆրանսիայի ղեկավարը մտահոգություն է հայտնել իրավիճակի սրման կապակցությամբ և նշել բանակցությունների ուղղությամբ ակտիվ քայլերի կարևորությունը։ Մակրոնն ընդգծել է, որ «պատրաստ է գործընկերների, այդ թվում՝ Եվրամիության հետ միասին իր ներդրումն ունենալ այդ ջանքերում»։
Ավելի վաղ Մակրոնը հեռախոսազրույց էր ունեցել նաև Հայաստանի վարչապետ Նիկոլ Փաշինյանի հետ։
Տաթև Ֆռանգյան
