Գլխավոր դատախազի տեղակալն ազատման դիմո՞ւմ է գրել․ Սաղաթելյանի արձագանքը Ալեն Սիմոնյանին․ Լուրեր

• Գլխավոր դատախազությունից ոչ հերքել, ոչ հաստատել են այսօր մամուլում տարածված տեղեկությունը, որ աշխատանքից ազատման դիմում է գրել ՀՀ զինվորական դատախազ, գլխավոր դատախազի տեղակալ Վահե Հարությունյանը։ Գլխավոր դատախազի խորհրդական Գոռ Աբրահամյանը Ֆակտորին հայտնել է․ «Հարությունյանը այս պահին աշխատում է»։
• ՀՀ գլխավոր դատախազությունից հայտնել են, որ 2022թ. օգոստոսի 1-ի դրությամբ ՀՀ իրավասու մարմինների վարույթներում եղած 3455 քրեական գործերով հարուցման պահին արձանագրվել է հանցագործությամբ պետությանը և համայնքներին պատճառված նախնական հաշվարկով 508.441.605.552 ՀՀ դրամի վնաս։ Դրա մոտ կեսը՝ 235.400.796.359 ՀՀ դրամը հաստատվել է քննչական կամ դատավարական գործողություններով։ Արձանագրված վնասից նախաքննության ընթացքում վերականգնվել է 54.797.051.145 ՀՀ դրամը։ Դրանից շուրջ 22.8 մլրդ ՀՀ դրամը վերականգնվել է միայն 2022-ի առաջին յոթ ամիսների ընթացքում։
• Դիմադրություն շարժման առաջնորդներից, ՀՅԴ ներկայացուցիչ Իշխան Սաղաթելյանն արձագանքել է ԱԺ նախագահ Ալեն Սիմոնյանի այսօրվա հայտարարություններին, թե ընդդիմությանը ծափահարություններով ճանապարհել են ԱԺ-ից, ծափահարություններով էլ կընդունեն։ Ըստ Սաղաթելյանի՝ Ալեն Սիմոնյանն ու նրա քաղաքական թիմը ծափահարությունների ներքո շարունակում են հանձնել երկիրը։ Սաղաթելյանը նաև նշել է, որ շարունակելու են պայքարը, և որ իշխանության հրաժարականին հասնելու միակ ճանապարհը հասարակական լայն ճնշումն ու պարտադրանքն է։։

Այս ժամի լուրերը՝ տեսանյութում։