01.07.2026 | 12:04
Հագվի գյուղում կասեցվել է պանրի արտադրամասի գործունեությունը․ ՍԱՏՄ
«Մեկ ա՝ մենք մերոնցով ենք, 2 վայրկյան, հեսա վերջացնում եմ․․․». Վլադիմիր Վարդանյան. ՏԵՍԱՆՅՈւԹ
Քաղաքականություն
12.09.2022 | 19:33
ԱԺ լիագումար նիստում առաջին ընթերցմամբ քննարկվում է ՔՊ խմբակցության պատգամավորներ Ծովինար Վարդանյանի և Բաբկեն Թունյանի հեղինակած «Վարչական իրավախախտումների վերաբերյալ» օրենսգրքում փոփոխությունների նախագիծը, որի համաձայն՝ գազալցակայանների և բենզալցակայանների՝ թերլիցքավորումների համար տուգանվելու դեպքում բաշխիչ կայանների վրա վարորդի համար տեսանելի հատվածում կտեղադրվի ցուցանակ, որով կնշվի՝ լցակայանը տուգանվել է թերլցումների համար։
Իշխանական պատգամավորներ Վլադիմիր Վարդանյանը և Սերգեյ Բագրատյանը քննադատության ենթարկեցին քննարկվող նախագիծը՝ այն համարելով անհրաժեշտ, բայց ոչ ամբողջական։
Նրանք դեմ արտահայտվեցին թերլիցքավորումների համար տուգանվելու դեպքում վահանակի տեղադրման գաղափարին։
«Տնտեսվարողը պետք է տուգանվի ոչ պատշաճ գործունեության համար․․․, բայց ես դեմ եմ վահանակային տրամաբանությանը։ Ինչ-որ ժամանակ հետո կարող է վահանակը հանվի, բայց բացասական տպավորությունը մնալու է։ Եկեք չսիգմատավորենք մեր տնտեսվարողին»,- նշեց Վարդանյանը։
Ռուբեն Ռուբինյանը հիշեցրեց, որ ելույթի ժամանակը սպառվել է, Վարդանյանը հորդորեց․ «Մեկ ա՝ մենք՝ մերոնցով ենք, ընդամենը 2 վայրկյան ավել խոսեմ, ի՞նչ է եղել որ, պարոն Ռուբինյան»։
Մանրամասները՝ տեսանյութում։
