18.12.2025 | 14:30
Եթե վարչապետը մեղադրում է՝ ԿԳԲ գործակալ են, պահանջում եմ փաստ ներկայացնել, թե չէ սուտ մատնություն է․ Դավիթ Անանյան․ ՏԵՍԱՆՅՈՒԹ
Շատ կուզենամ՝ Հայկ Մարությանը մասնակցի, վստահ եմ՝ մեր թեկնածուն հաղթելու է. Ալեն Սիմոնյան․ ՏԵՍԱՆՅՈՒԹ
Քաղաքականություն
12.09.2022 | 13:18
Ինչպե՞ս ստացվեց, որ Երևանի նախկին քաղաքապետ Հայկ Մարությանի գործերը Հակակոռուպցիոն կոմիտե ուղարկվեցին միայն նրա մոնոներկայացման անոնսից հետո։ Այսօր լրագրողներն հետ զրույցում անդրադառնալով այս հարցին՝ ԱԺ նախագահ Ալեն Սիմոնյանը պատասխանեց․ «Չչգիտեմ` ինչպես է դա ստացվել, որովհետև գործին ծանոթ չեմ։ Ձեզանից իմացա»:
Դիտարկմանը, որ Մարությանը քաղաքական հետապնդման է ենթարկում, նրա վարկանիշը բարձր է և ՔՊ քաղաքապետի թեկնածուի համար մրցակից է՝ Ալեն Սիմոնյանն արձագանքեց. «Լավ, ո՞ւմ ենք մենք քաղաքական հետապնդման ենթարկում: Նախ, Հայկ Մարությանը չի հայտարարել, որ ինքը մասնակցելու է: Ես շատ կուզենամ ինքը մասնակցի, ես վստահ եմ, որ մեր թեկնածուն հաղթելու է: Եթե մենք քաղաքական հետապնդում չենք արել լուրջ քաղաքական գործիչների նկատմամբ, ինչի՞ եք մտածում, որ մեր նախկին գործընկերոջ… Կուսակցություն ունեցող, քաղաքական պատմություն ունեցող մարդկանց նկատմամբ ճնշումներ չեն եղել, Հայկ Մարությանի նկատմամբ ինչի՞ պիտի ճնշումներ լինեն:
Իսկ ո՞վ չգիտի, որ քաղաքապետարանում տարիներ ի վեր, այսպես ասած,կոռուպցիոն դեպքեր են բացահայտվել: Ի դեպ, հենց Հայկ Մարությանի կառավարման ժամանակ էլ են բացահայտվել: Մենք այդ իշխանությունը չենք, որ քաղաքական ճնշումներով զբաղվենք, մարդկանց ծեծենք, բանտերը նետենք, մարդ սպանենք: Այդ գործելաոճը մերը չի»:
Մանրամասները՝ տեսանյութում։
