02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Ուկրաինան հայտնել է ՌԴ-ի ռմբակոծությունների հետևանքով 4 մարզերում հոսանքազրկումների մասին
Քաղաքականություն
12.09.2022 | 13:27
Սեպտեմբերի 11-ի երեկոյան Խարկովում, Պոլտավայում, Դնեպրոպետրովսկում, Զապորոժիեի և Սումիի մարզերում էլեկտրամատակարարման հետ կապված զանգվածային խնդիրներ են նկատվել։ Այս մասին են վկայում տեղական Telegram ալիքների հաղորդագրությունները։
Դա տեղի է ունեցել այս շրջանների որոշ բնակավայրերում հրթիռակոծություններից հետո։ Խարկովի քաղաքապետ Իգոր Տերեխովը հայտնել է, որ հարվածներ են հասցվել ենթակառուցվածքի օբյեկտներին։
«Հարվածի հետևանքով քաղաքի շատ շրջաններ հոսանքազրկվել են։ Նույն պատճառով այդ տարածքներում ջուր չկա՝ պոմպերը չեն աշխատում։ Սա ռուս ագրեսորի ստոր և ցինիկ վրեժն է ռազմաճակատում մեր բանակի հաջողությունների համար, մասնավորապես՝ Խարկովի մարզում»,- ասել է նա։
Իգոր Տերեխովը հավելել է, որ էներգետիկայի տարածաշրջանային մասնագետներն ու կոմունալ ծառայություններն արդեն աշխատում են հակառակորդի կողմից քաղաքին հասցված վնասը վերացնելու ուղղությամբ։
Նախնական տվյալների համաձայն՝ հայտնի է, որ կրակի տակ է հայտնվել Խարկովի ՋԷԿ-ը։ Հաղորդվում է, որ մասնագետները վերսկսել են Զապորոժիեի ԱԷԿ-ի պահեստային էլեկտրահաղորդման գծի շահագործումը, ինչը թույլ է տալիս այն ապահովել արտաքին էլեկտրաէներգիայով։
Տաթև Ֆռանգյան
