02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Թուրքիան կշարունակի աջակցել Ուկրաինային
Քաղաքականություն
12.09.2022 | 14:22
Թուրքիայի պաշտպանության նախարար Հուլուսի Աքարը հեռախոսազրույցներ է ունեցել Ուկրաինայի պաշտպանության նախարար Ալեքսեյ Ռեզնիկովի և ենթակառուցվածքների նախարար Ալեքսանդր Կուբրակովի հետ, գրում է Gazeta-ն։
Թուրքիայի ՊՆ տարածած հաղորդագրության մեջ նշվում է, որ զրուցակիցները կարծիքներ են փոխանակել հումանիտար օգնության և հացահատիկի մատակարարումների վերաբերյալ, ինչպես նաև գոհունակություն են հայտնել Ստամբուլում Համատեղ համակարգման կենտրոնի աշխատանքից։
«Բացի այդ, ընդգծվել է, որ ուկրաինացի ժողովրդին ցուցաբերվող մարդասիրական օգնությունը շարունակվելու է», -ասվում է հաղորդագրության մեջ։
Ավելի վաղ հայտնի էր դարձել, որ ուկրաինական նավահանգիստներից արտահանվող հացահատիկի ծավալը կազմել է մոտ 2,5 մլն տոննա, պարենային գործարքի շրջանակում 105 նավ է դուրս եկել նավահանգիստներից։
Հիշեցնենք, որ հացահատիկային գործարքը կնքվել է հուլիսի 22-ին Ստամբուլում Թուրքիայի, ՌԴ-ի, Ուկրաինայի և ՄԱԿ-ի ներկայացուցիչների միջև։
Էմմա Չոբանյան
