16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Արցախի ՊՆ-ն ևս հերքում է Ադրբեջանի ՊՆ-ի տարածած հաղորդագրությունը
Քաղաքականություն
12.09.2022 | 10:36
Ադրբեջանի ՊՆ-ի տարածած հաղորդագրությունն այն մասին, թե ՊԲ ստորաբաժանումները սեպտեմբերի 11-ին գնդակոծության են ենթարկել Արցախի Հանրապետության հյուսիս-արևմտյան ուղղությամբ տեղակայված ադրբեջանական դիրքերը, իրականությանը չի համապատասխանում․ այս մասին տեղեկացնում են ԱՀ ՊՆ մամուլի ծառայությունից։
Հիշեցնենք, որ քիչ առաջ ՀՀ ՊՆ-ն էր հաղորդագրություն տարածել, ըստ որի՝ «Սեպտեմբերի 11-ի երեկոյան ՀՀ ԶՈՒ ստորաբաժանումները հայ-ադրբեջանական սահմանագոտու արևելյան հատվածում տեղակայված ադրբեջանական դիրքերի ուղղությամբ կրակ չեն բացել: Իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈւ ստորաբաժանումների լիարժեք վերահսկողության տակ»։
Իսկ ՀՀ Հատուկ հանձնարարություններով դեսպան Էդմոն Մարուքյանը ֆեյսբուքյան գրառմամբ միջազգային հանրության ուշադրությունը սևեռել էր Ադրբեջանի ՊՆ-ի կողմից օրեր շարունակ տարածվող ապատեղեկատվությանը, թե, իբր, հայկական ուժերը կրակել են շփման գծի տարբեր ուղղություններով, իսկ իրենք քայլեր են ձեռնարկել, ինչից հետո կրակը լռեցվել է:
«Միջազգային հանրության բոլոր դերակատարները, ովքեր հետաքրքրված են հայ-ադրբեջանական խաղաղության գործընթացով և Լեռնային Ղարաբաղի հակամարտության կարգավորմամբ, պետք է շատ ուշադիր հետևեն և հստակ գիտակցեն, որ հերթական անգամ Ադրբեջանը սադրանքի նախապատրաստական գործընթաց է սկսել»,- մասնավորապես գրել էր Մարուքյանը։
