09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կրեմլը հայտնել է Սամարղանդում Պուտին-Էրդողան բանակցությունների թեմաները
Քաղաքականություն
09.09.2022 | 15:49
Ուզբեկստանի Սամարղանդ քաղաքում նախապատրաստվում է ՌԴ նախագահ Վլադիմիր Պուտինի և Թուրքիայի նախագահ Թայիփ Էրդողանի հանդիպումը, որի ընթացքում քննարկվելու է հացահատիկային գործարքի թեման, ներառյալ՝ ռուսական պարենի մատակարարումը։ Այս մասին հայտնել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Արդեն պատրաստվում է Պուտինի ու Էրդողանի զրույցը, որը, ինչպես նախատեսում ենք, տեղի կունենա Սամարղանդում։ Այդ զրույցն իսկապես հասունացել է։ Մենք տեսնում ենք, որ հացահատիկի Ստամբուլյան պայմանավորվածությունները կատարվում են։ Մենք տեսնում ենք, որ դրա իրագործումը որևէ օգուտ չի տալիս աղքատ երկրներին, քանի որ աղքատ երկրներ միայն երկու նավ է ժամանել»,- ասել է Պեսկովը։
Նրա խոսքով՝ դա առաջին թեման է, որը պետք է քննարկվի։
«Եվ, իհարկե, ռուսական պարենի միջազգային շուկաներ դուրս գալու թեման»,- հավելել է Պեսկովը։
Հիշեցնենք, որ Սամարղանդում սեպտեմբերի 15-16-ը տեղի կունենա Շանհայի համագործակցության կազմակերպության գագաթնաժողովը։
Էմմա Չոբանյան
