16.01.2025 | 11:47
Մենք անընդհատ սխալվելու ենք. Փաշինյանը` կտրուկ փոփոխություններով արդյունքի հասնելու մասին․ ՏԵՍԱՆՅՈՒԹ
Պենտագոնը՝ Պապիկյանի ու Քահլի հանդիպման մասին
Քաղաքականություն
09.09.2022 | 14:33
Սեպտեմբերի 8-ին ՀՀ պաշտպանության նախարար Սուրեն Պապիկյանը Պենտագոնում հանդիպել է ԱՄՆ պաշտպանության քարտուղարի քաղաքականության հարցերով տեղակալ Քոլին Քահլի հետ։ Պենտագոնը մանրամասներ է հայտնել է Սուրեն Պապիկյանի ու Քոլին Քահլի հանդիպումից։
Նշվում է, որ պաշտոնյաները քննարկել են երկու երկրների համագործակցությունը պաշտպանության ոլորտում ու Ուկրաինայում պատերազմը։
«Պաշտպանության փոխնախարար Քոլին Քալը Պենտագոնում ընդունել է ՀՀ պաշտպանության նախարար Սուրեն Պապիկյանին՝ նրա հետ քննարկելու հայ-ամերիկյան պաշտպանական համագործակցության ամրապնդման հնարավորությունները»,- հայտնում է Պենտագոնը։
ԱՄՆ Պաշտպանության նախարարության խոսնակ, գնդապետ Դեյվիդ Հերնդոնը հայտնել է, որ Քահլն ընդգծել է ԱՄՆ-ի հանձնառությունը Հարավային Կովկասում խաղաղությանն ու կայունությանը։
«Բացի այդ, կողմերը քննարկել են Ուկրաինայի պատերազմը և փոխշահավետ համագործակցության հնարավոր ոլորտները», – հավելել է Հերնդոնը։
Տաթև Ֆռանգյան
