09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պուտինը կարող է փորձել խաղալ Զապորոժիեի ԱԷԿ-ում ստեղծված իրավիճակի հետ․ ISW
Քաղաքականություն
07.09.2022 | 16:23
Պատերազմի ուսումնասիրման ամերիկյան ինստիտուտի (ISW) նոր զեկույցը հիմնականում նվիրված է ռուսների կողմից գրավված Զապորոժիեի ատոմակայանում ստեղծված վտանգավոր իրավիճակի մասին ՄԱԳԱՏԷ-ի զեկույցին, գրում է BBC-ի ռուսական ծառայությունը։
Ինստիտուտի վերլուծաբանները մատնանշում են այն նուրբ քաղաքական և իրավական իրավիճակը, որում հայտնվել է Ատոմային էներգիայի միջազգային գործակալությունը։
«ՌԴ նախագահ Վլադիմիր Պուտինը կարոդ է փորձել օգտագործել սեփական գործողությունների պատճառով առաջացած վտանգները և ստիպել ՄԱԳԱՏԷ-ին և միջազգային հանրությանը՝ դե ֆակտո ճանաչել Ռուսաստանի իրավունքը՝ մասնակցել Զապորոժիեի ԱԷԿ-ի կառավարմանը»,- ասվում է զեկույցում։
Զեկույցի հեղինակները նշում են, որ Ուկրաինան իրավաբանորեն մնում է ատոմակայանի լիիրավ սեփականատերն ու օպերատորը, սակայն ՄԱԳԱՏԷ-ն ստիպված է համագործակցել Ռուսաստանի հետ, ինչը ենթադրում է փաստացի իրադրության լռելյայն ճանաչում, որում կայանը վերահսկվում է Ռուսաստանի կողմից։
Ինստիտուտի վերլուծաբանների կարծիքով՝ Ռուսաստանը կարող է փորձել այդ ճանաչումը ներկայացնել որպես Ուկրաինայի գրավված տարածքների նկատմամբ իր իրավունքների փաստացի ճանաչում։
«Պուտինը կարող է փորձել օգտագործել իր կողմից ԱԷԿ-ում ստեղծված հանգմանքները՝ ստեղծելու զուգահեռ միջազգային մեխանիզմներ ու ճնշելու Ուկրաինայի ինքնիշխան իրավունքը»,- նշվում է զեկույցում։
Էմմա Չոբանյան
