16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Եթե ծախսենք 1 մլրդ դոլար ու սարքենք ակադեմիական քաղաք, առկա խնդիրները լուծելո՞ւ ենք․Դավիթ Ամիրյան․ ՏԵՍԱՆՅՈՒԹ
Հասարակություն
07.09.2022 | 11:55
Վարչապետ Նիկոլ Փաշինյանը կառավարության վերջին նիստում հայտարարեց ակադեմիական քաղաք ստեղծելու և բուհերը Աշտարակ քաղաք տեղափոխելու մասին։
«Հայտնվել ենք երկակի իրավիճակում․ ակադեմիական քաղաք ունենալը շատ լավ է, բայց հարց է առաջանում, եթե ծախսենք 1 մլրդ դոլար ու սարքենք ակադեմիական քաղաք, բարձրագույն կրթության ոլորտում առկա խնդիրները լուծելո՞ւ ենք»,- «Բազմաթիվ բուհեր հոգեվարքի մեջ են: Իսկ ինչի՞ մեջ է կրթության ռազմավարությունը» թեմայով քննարկման ժամանակ այս հարցը հնչեցրեց Բաց հասարակության հիմնադրամներ-Հայաստանի ծրագրերի գծով փոխտնօրեն Դավիթ Ամիրյանը։
Նրա դիտարկմամբ՝ կրթության մասին ռազմավարական ծրագրի փաստաթղթում շարադրված են գրեթե բոլոր այն խնդիրները, որ ունի մեր կրթական համակարգը:
«Օրինակ՝ բարձրագույն կրթության ոլորտի խնդիրներից են արդյունավետ կառավարման, հավասարակշռված հաշվետվողականության, թափանցիկության մեխանիզմների բովանդակային կիրառությունը, բուհական ինքնավարության, ակադեմիական ազատության ապահովումը, կրթական ծրագրերում կրթական և հետազոտական բաղադրիչների համահունչ չլինելը, դասախոսական անձնակազմի ծերացումը՝ հիմնականում բնագիտական ոլորտում, ասպիրանտների տպագրությունները միջազգային վարկանշային պարբերականներում ցածր տոկոս են կազմում, գիտական աստիճանանանշման պահանջները վերնայման կարիք ունեն․․․ Հարց է առաջանում՝ եթե ծախսենք 1 մլրդ դոլար ու Աշտարակում սարքենք աշխարհի ամենալավ ակադեմիական կենտրոնը, այս խնդիրները լուծելո՞ւ ենք։ Չենք լուծելու»,- նշեց Ամիրյանը։
Մանրամասները՝ տեսանյութում։
