18.07.2026 | 15:10
Factor TV-ի լրագրողն արժանացել է Երևանի մամուլի ակումբի էթիկական լրագրության մրցանակին
Նպատակը որակյալ կրթություն ապահովելն է. Վահրամ Դումանյանը՝ բուհերը Աշտարակ տեղափոխելու մասին․ ՏԵՍԱՆՅՈՒԹ
Հասարակություն
05.09.2022 | 14:54
Ակադեմիական քաղաքը որոշվել է Աշտարակում կառուցել, քանի որ կառավարությունում այդպես են նպատակահարմար համարել։ ԱԺ-ում լրագրողների հետ ճեպազրույցում այս մասին ասաց ԿԳՄՍ նախարար Վահրամ Դումանյանը։
Նախարարի խոսքով՝ նախնական որոշում է, որ հենց Աշտարակ տեղափոխեն բուհերը, հաշվի են առնվել այնտեղ գոյություն ունեցող որոշակի ենթակառուցվածքները:
Անդրադառնալով հարցին՝ եթե բուհերն Աշտարակ տեղափոխվեն, կապահովվի՞ կրթության այն որակը, որ մարդիկ, անտեսելով ճանապարհը, գնան այնտեղ կրթություն ստանալու, նախարարը պատասխանեց. «Կապահովենք այնքան, որքան կարող ենք»։
Դումանյանն ընդգծեց, որ, նպատակը, իհարկե, որակյալ կրթություն ապահովելն է. կարող են ապահովել կրթության բարձր որակ Աշտարակում, քանի որ կրթության որակը աշխարհագրական դիրքով չի որոշվում։
Իսկ թե երբ են նախատեսում բուհերը տեղափոխել Աշտարակ` նախարարը նշեց, որ հստակ ժամկետներ չեն հաստատվել:
Հիշեցնենք` ՀՀ վարչապետ Նիկոլ Փաշինյանը կառավարության նիստում հայտարարեց, որ գործադիր իշխանությունը կողնորոշվել է ակադեմիական քաղաքի տեղադիրքի հարցում. այն կկառուցվի Արագածոտնի մարզում` Աշտարակ քաղաքում։ Վարչապետի խոսքով` մտադիր են բուհերի խոշորացման գնալ, ինչի արդյունքում 8 պետական բուհ կլինի, որոնք լիարժեք պետական ֆինանսավորմամբ կհամապատասխանեցվեն միջազգային չափորոշիչներին:
Մանրամասները՝ տեսանյութում:
