17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
ԱՄՆ իշխանությունները շուտով կհայտարարեն Ռուսաստանում նոր դեսպանի թեկնածուի անունը
Քաղաքականություն
05.09.2022 | 16:11
Ամերիկյան վարչակազմն առաջիկայում մտադիր է հայտարարել ՌԴ-ում ԱՄՆ նոր դեսպանի թեկնածուի անունը։ Այս մասին ՏԱՍՍ գործակալությանն ասել է ԱՄՆ Պետքարտուղարության ներկայացուցիչը՝ պատասխանելով հարցին, թե ո՞ւմ թեկնածությունն է մտադիր առաջադրել նախագահ Ջո Բայդենը Մոսկվայում ամերիկյան դիվանագիտական առաքելության ղեկավարի պաշտոնում։
«Մենք մտադիր ենք առաջիկայում հայտարարել [Ռուսաստանի Դաշնությունում] մեր հաջորդ դեսպանի [թեկնածության] մասին, սակայն այս պահին հաղորդելու ոչինչ չունենք»,- ասել է դիվանագետը։
Հավանական թեկնածուին պետք է հաստատի Կոնգրեսի Սենատը:
Պետքարտուղարության ներկայացուցչի խոսքով՝ «դեսպան Սալիվանի մեկնումը [Ռուսաստանից] ծրագրված էր և կանոնավոր դիվանագիտական ռոտացիայի մաս է կազմում»։ Նա հիշեցրել է, որ Սալիվանը Ռուսաստանում ԱՄՆ դեսպանի պաշտոնը զբաղեցրել է գրեթե երեք տարի։
Տաթև Ֆռանգյան
