Գերմանիան ցանկանում է պարզեցնել որակավորում ունեցող միգրանտների ընդունումը

Գերմանիայի կառավարությունը միգրացիոն օրենք է մշակում, որը կթեթևացնի որակավորում ունեցող մասնագետների մուտքը երկիր։ DW-ի փոխանցմամբ՝ այս մասին Bild am Sonntag թերթին տված հարցազրույցում ասել է Գերմանիայի աշխատանքի նախարար Hubertus Heil-ը։

«Մենք «հնարավորությունների քարտեզ» կմտցնենք միավորների թափանցիկ համակարգով, որպեսզի մարդկանց, որոնց կարիքն ունի մեր երկիրը, ավելի հեշտ լինի մեզ մոտ գալ»,- խոստացել է Հայլը՝ պարզաբանելով օրինագծի իմաստը, որը, ինչպես սպասվում է, կներկայացվի այս աշնանը:

Գերմանիայում ճանաչված դիպլոմ կամ մասնագիտական կրթության վկայագիր ունեցող մասնագետները, ըստ նախնականի, կհամապատասխանեն նրանց կատեգորիային, ովքեր կարող են ստանալ «հնարավորությունների քարտեզը», սակայն մյուս թեկնածուները ևս պետք է հնարավորություն ունենան գալ Գերմանիա, նշել է Հայլը:

Միավորները կշնորհվեն չորս չափանիշների համաձայն՝ օտարերկրյա կրթության վկայական, առնվազն երեք տարվա աշխատանքային փորձ, լեզվի իմացություն կամ նախկինում Գերմանիայում գտնվելը և մինչև 35 տարեկան տարիքը:

«Հնարավորությունների քարտեզը» ստանալու համար բավական կլինի կատարել չորս չափանիշներից երեքը։ Ծրագրին մասնակցելու ավելի մանրամասն պայմանները քննարկվում են Գերմանիայի կառավարության կողմից։

Այսօր Գերմանիան պայքարում է միջին մասնագիտական կրթություն պահանջող ոլորտներում կադրերի զգալի պակասի դեմ։

Ըստ Gesamtmetall’s Metalurgical and Electrical Employers Association-ի ղեկավար Օլիվեր Զանդերի, «մետալուրգիայի և էլեկտրաարդյունաբերության հինգ ձեռնարկություններից երկուսը բողոքում են արտադրության ընդհատումներից՝ որակյալ մասնագետների բացակայության պատճառով»:

«Կադրերի պակասն այսօր սպառնում է մեր բարեկեցությանը, ինչպես նախկինում մեծ գործազրկությունն էր»,- ասել է փորձագետը Bild am Sonntag-ին տված հարցազրույցում։