13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Բորելը ողջունել է Բրյուսելում կայացած Փաշինյան-Միշել-Ալիև հանդիպումը
Քաղաքականություն
01.09.2022 | 16:55
ԵՄ արտաքին և անվտանգության քաղաքականության հարցերով բարձր ներկայացուցիչ Ժոզեպ Բորելն անդրադարձել է Բրյուսելում ԵՄ Խորհրդի նախագահ Շառլ Միշելի միջնորդությամբ կայացած ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հանդիպմանը։
«Ողջունում եմ 4-րդ հանդիպումը Շառլ Միշելի, Իլհամ Ալիևի ու Նիկոլ Փաշինյանի միջև։ Կարևոր է շարունակել աշխատել խաղաղության պայմանագրի առաջխաղացման ուղղությամբ և շարունակել ջանքերը հումանիտար և կապի ոլորտներում: ԵՄ-ն շարունակում է ամբողջապես ներգրավված լինել խաղաղ, անվտանգ ու բարգավաճ Հարավային Կովկասի աջակցմանը»,-թվիթերյան իր էջում գրել է Բորելը։
Հիշեցնենք, որ Փաշինյան-Միշել-Ալիև հանդիպումը տեղի է ունեցել նախօրեին։ Սա այս ձևաչափում արդեն չորրորդն էր հանդւպումն էր։
Էմմա Չոբանյան
