13.12.2024 | 21:43
Ադրբեջանում քննարկում են զինծառայության ժամկետը 1 տարի դարձնելու հարցը
Տոկաևն առաջարկել է արտահերթ նախագահական ընտրություններ անցկացնել 2022 թվականի աշնանը
Քաղաքականություն
01.09.2022 | 14:00
Ղազախստանի նախագահ Կասիմ-Ժոմարտ Տոկաևն առաջարկել է արտահերթ նախագահական ընտրություններ անցկացնել այս աշնանը, գրում է Ինտերֆաքսը։
«Ինչպես գիտեք՝ հաջորդ նախագահական ընտրությունները պետք է անցկացվեն 2024 թվականին, խորհրդարանական ընտրությունները՝ 2025 թվականին։ Ես առաջարկում եմ արտահերթ նախագահական ընտրություններ անցկացնել այս աշնանը», – ասել է Տոկաևը Ղազախստանի ժողովրդին ուղղված ուղերձում։
Նա ընդգծել է, որ իր համար ամեն ինչից վեր է պետության շահը, ուստի ինքը պատրաստ է գնալ արտահերթ նախագահական ընտրությունների՝ չնայած սեփական պաշտոնավարման ժամկետի կրճատմանը։
Տոկաևը նաև առաջարկել է նախագահի պաշտոնավարման ժամկետ սահմանել 7 տարին՝ առանց վերընտրվելու իրավունքի։
«Մի կողմից՝ 7 տարին բավարար ժամկետ է ցանկացած հավակնոտ ծրագրի իրականացման համար, մյուս կողմից՝ նախագահի մանդատը մեկ ժամկետով սահմանափակելը կապահովի պետության ղեկավարի առավելագույն ուշադրությունն ազգային զարգացման ռազմավարական խնդիրների լուծման ուղղությամբ»,- ասել է նա։
Բացի այդ, Տոկաևն առաջարկել է երկրում խորհրդարանական ընտրությունները 2025 թվականի փոխարեն անցկացնել 2023 թվականի առաջին կիսամյակում։
Տաթև Ֆռանգյան
