18.05.2026 | 14:35
Մեսիի գոլն ու ասիստը հաղթանակ են բերել «Ինտեր Մայամիին»․ ՏԵՍԱՆՅՈՒԹ
Էգեյան ծովում միգրանտների տեղափոխող նավ է խորտակվել
Քաղաքականություն
10.08.2022 | 18:21
Հունաստանի ափերի մոտ տասնյակ մարդիկ են անհետացել այն բանից հետո, երբ նավը, որում եղել են, խորտակվել է։ Այս մասին հայտնում է Reuters-ը։
Հունաստանի առափնյա պահպանության ծառայությունը հայտնել է, որ կարողացել է փրկել 29 միգրանտի Էգեյան ծովի հարավում գտնվող Կարպատոս կղզու մոտ շրջված և խորտակված նավից:
Փրկվածները հայտնել են, որ իրենց նավը դուրս է եկել Անթալիայից և շարժվել դեպի Իտալիա։ Ընդհանուր առմամբ, նավում եղել է 60-80 մարդ։ Այժմ նրանք համարվում են անհետ կորած։
«Որոնողա-փրկարարական գործողությունը սկսվել է վաղ առավոտյան՝ ուժեղ քամու ժամանակ: Փրկված 29 միգրանտների թվում կան աֆղաններ, իրանցիներ և իրաքցիներ»,- հայտնել են Հունաստանի առափնյա պահպանության ծառայության աշխատակիցները:
Հաղորդվում է, որ փրկված միգրանտները փախստականներ են Աֆղանստանից, Իրանից և Իրաքից:
Տաթև Ֆռանգյան
