07.06.2026 | 23:59
Իրակլի Կոբախիձեն շնորհավորել է Նիկոլ Փաշինյանին ընտրություններում հաջողության կապակցությամբ
Ադրբեջանցի զինծառայողները Թուրքիայում մասնակցել են AKINCI անօդաչուների շահագործման դասընթացների
Քաղաքականություն
01.08.2022 | 22:34
Ադրբեջանի և Թուրքիայի միջև կնքված «Ռազմական կրթության ոլորտում համագործակցության մասին» համաձայնագրի շրջանակում մի խումբ ադրբեջանցի զինծառայողներ մասնակցել են «AKINCI անօդաչու թռչող սարքերի շահագործման դասընցաթներին»։ Այս մասին հայտնում է Ադրբեջանի ՊՆ-ն, որին վկայակոչում են տեղական լրատվամիջոցները։
Նշվում է, որ ավարտական միջոցառումը, որը կազմակերպվել է թուրքական «Բայքար» ընկերության կողմից, տեղի է ունեցել Թեքիրդաղ քաղաքի ուսումնական կենտրոնում, որի ղեկավար Հալիլ Աքարը ողջունել է դասընթացի մասնակիցներին։
Զինծառայողները, որոնք հաջողությամբ ավարտել են դասընթացը տարբեր մասնագիտությունների գծով, վկայականներ ու նվերներ են ստացել։
Հավելենք, որ Ադրբեջանը թուրքական այս տեսակի անօդաչուներ իր զինանոցում չունի։ Համենայնդեպս, պաշտոնապես այդ մասին տեղեկություններ չկան։
Էմմա Չոբանյան
