17.04.2026 | 10:55
Դուք Մովսեսը չեք, ժողովրդին չբերեցիք Ավետյաց երկիր, բերեցիք ողբ․ Խաչատրյանը՝ Փաշինյանին․ ՏԵՍԱՆՅՈՒԹ
Ջհանգիրյանի և Վարդազարյանի հանդիպմանը ներկա դատավորը` աղմկահարույց ձայնագրության մասին
Հասարակություն
27.07.2022 | 14:53
ԲԴԽ նախկին նախագահներ Ռուբեն Վարդազարյանի և Գագիկ Ջհանգիրյանի հանդիպմանը ներկա գտնված խորհրդի անդամ Ստեփան Միքայելյանն այսօր Դատավորների ընդհանուր ժողովից առաջ հրաժարեց պատասխանել այդ հանդիպման ընթացքում տեղի ունեցած զրույցի աղմկահարույց ձայնագրության վերաբերյալ լրագրողների հարցերին:
Անդրադառնալով դիտարկմանը, որ քաղհասարակությունը պահանջում էր իր հրաժարականը՝ Միքայելյանն արձագանքեց. «Ես իրենց չեմ ճանաչում, քաղհասարակությունն ինչո՞ւ է իմ հրաժարականը պահանջում: Դուք էլ եք տարբեր տեղեր տարեր խոսակցությունների մասնակցում: Հետո՞: Կապ չունի դա»:
Հիշեցնենք, որ ԲԴԽ նախկին նախագահ Ռուբեն Վարդազարյանը հունիսի 20-ին հրավիրված ասուլիսում հրապարակել էր ԲԴԽ նախագահի պաշտոնակատար Գագիկ Ջհանգիրյանի մասնակցությամբ ձայնագրություն: Վարդազարյանի խոսքով՝ ձայնագրությունը կատարվել է 2021 թվականի փետրվարի 20-ին. զրուցում են ինքը, Գագիկ Ջհանգիրյանն ու ԲԴԽ անդամ, Վճռաբեկ դատարանի դատավոր Ստեփան Միքայելյանը։ Պարզաբանելով հրապարակածը՝ Վարդազարյանը հայտարարել էր, թե իրեն առաջարկվել է հրաժարական տալ՝ երաշխավորելով, որ քրեական հետապնդում չի լինի, ինքը մինչև մարտի 1-ը ժամանակ էր խնդրել:
Նշենք, որ ԲԴԽ նախկին նախագահ Ռուբեն Վարդազարյանի լիազորությունները էական կարգապահական խախտման հիմքով դադարեցվել են: Բարձրագույն դատական խորհրդի նախագահի պաշտոնակատար Գագիկ Ջհանգիրյանը առողջական խնդիրների պատճառով հրաժարական է տվել ԲԴԽ անդամի պաշտոնից:
Մանրամասները՝ տեսանյութում:
