17.12.2025 | 22:03
Երևանում Opel մակնիշի ավտոմեքենա է այրվել
ՀՀ-ն արդյո՞ք հաշվարկել է՝ փախստականների ինչպիսի հոսք ենք ունենալու Թուրքիայից․ Վահրամ Տեր-Մաթևոսյանը՝ սահմանի բացման մասին
Քաղաքականություն
07.07.2022 | 13:39
Հայաստանի և Թուրքիայի հատուկ ներկայացուցիչները վերջին հանդիպման արդյունքներով հասել են պայմանավորվածության՝ Հայաստանի Հանրապետության և Թուրքիայի միջև սահմանը բացել երրորդ երկրների քաղաքացիների համար և Թուրքիա-Հայաստան ու հակառակ ուղղությամբ բեռնափոխադրումներ իրականացնել օդային տրանսպորտով:
Ի՞նչ կփոխի դա Հայաստանի և Թուրքիայի կյանքում. «Հայ-թուրքական պայմանավորվածություններ. ի՞նչ կշահի Հայաստանը» թեմայով քննարկման ժամանակ անդրադառնալով այս հարցադրմանը թուրքագետ Վահրամ Տեր-Մաթևոսյանն ընդգծեց, որ նախ պետք է նկատի ունենալ, որ խոսքը սահմանը բացելու մասին չէ, այլ սահմանը հատելու մասին է: «Սա շատ կարևոր տարբերություն է: Հայաստանում շարունակում են կրկնել այն, ինչ թուրքերն են տարիներ շարունակ ասում, որ հայ-թուրքական սահմանը բացվել է 1993-ին, իրականում հայ-թուրքական սահմանը երբեք բաց չի եղել, ոչ մի իրավական նորմով 91-93թթ. գործած բաց սահմանը չի կարգավորվել: Սահմանը հատել տերմինը գալիս է թուրքական քաղաքական բառաֆոնդից»:
«Թուրքիան մեծ փորձ ունի իր հարևանների հետ սահմանները բացել և փակելու՝ ըստ իր հայեցողության»,- նշեց թուրքագետը՝ ընդգծելով, որ պայմանավորվածության հետ կապված շատ հարցեր բաց են մնում:
«ՀՀ-ն արդյո՞ք հաշվարկել է՝ փախստականների ինչպիսի հոսք ենք ունենալու Թուրքիայից:
Արդյո՞ք երրորդ երկրների քաղաքացիներին տրվելու է ճամփորդելու հնարավորություն Թուրքիայի տարածքով, թե՞ սահմանափակումներ են մտցվելու:
Ստացվում է, որ ՀՀ սահմանապահները սպասարկելու են երրորդ երկրների քաղաքացիներին: Ո՞րն է այստեղ ՀՀ պետական շահը, ինչպիսի՞ երկարաժամկետ հաշվարկներ են ընկած այս ամենի հիմքում»,- այս և մի շարք այլ հարցեր բարձրաձայնեց Տեր-Մաթևոսյանը:
Թուրքագետն ընդգծեց, որ Հայաստանը պետք է չափազանց զգուշավոր լինի. «Հաշվի առնելով այն, որ կարող է հայտնվել Թուրքիայի գործողությունների հորձանուտում՝ առանց անգամ դիվանագիտական հարաբերություններ հաստատելու»:
Մանրամասները՝ տեսանյութում:
