30.04.2026 | 12:25
Մակրոնը Գյումրիում ներկա կգտնվեն «Երաժշտական կամուրջ. Հայաստան-Ֆրանսիա» խորագրով համերգին
Հայաստանի՝ ԵՄ անդամակցության գործընթացի մեկնարկը հիանալի քաղաքացիական նախաձեռնություն է. ԱԳ փոխնախարար
Քաղաքականություն
16.01.2025 | 15:12
Հայաստանի՝ ԵՄ անդամակցության գործընթացի մեկնարկը հիանալի քաղաքացիական նախաձեռնություն է, այս մասին «Հայաստան-ԵՄ ռազմավարական գործընկերության խթանումը «Վիշեգրադյան քառյակի փորձի հիման վրա» խորագրով եզրափակիչ համաժողովի ժամանակ ասաց ԱԳ փոխնախարար Պարույր Հովհաննիսյանը։
«Միգուցե հիմա իրավիճակը էլ ավելի խնդրահարույց է, դժբախտաբար, բայց եթե մենք ունենանք պատշաճ կամք և աջակցություն ԵՄ անդամ պետություններից, կարծում եմ՝ կկարողանանք դրական արդյունքների հասնել»,- ընդգծեց փոխնախարարը։
Հիշեցնենք, որ Կառավարությունը հունվարի 9-ի նիստին հավանություն տվեց «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագծին։ Եթե նախագիծն ԱԺ-ում ընդունվի, Հայաստանը պաշտոնապես կհայտարարի Եվրոպական միությանը անդամակցելու գործընթացի մեկնարկի մասին։ Վարչապետ Նիկոլ Փաշինյանը կարևորեց նախաձեռնությունը, սակայն շեշտեց, որ այս նախագիծը չի ենթադրում Հայաստանի անդամակցություն Եվրոպական Միությանը։
«Այդ կետում որոշում կայացնելը կարող է լինել միայն ու միայն հանրաքվեի ճանապարհով։ Ուրիշ տարբերակ չկա»,- ասաց Փաշինյանը՝ հղում անելով ՀՀ սահմանադրությանը և նշելով, որ ՀՀ-ն և ԵՄ-ն պետք է ճանապարհային քարտեզ մշակեն։
