12.03.2026 | 23:22
Հարձակում Դեթրոյթի մոտ գտնվող սինագոգի վրա. հարձակվողը սպանվել է
Հայաստանը հնդկա-ֆրանսիական արտադրության հրետանային համակարգ կգնի Հնդկաստանից․ The Economic Times
Քաղաքականություն
16.01.2025 | 17:45
Հնդկաստանի և Ֆրանսիայի կողմից համատեղ մշակված հիմնական պաշտպանական համակարգը երրորդ երկրից արտահանման պատվեր է ստացել՝ ցույց տալով համատեղ զարգացման և ցածր գնով հնդկական արտադրության ներուժը: Այս մասին գրում է հնդկական The Economic Times-ը։
Նշվում է, որ Հնդկաստանը և Ֆրանսիան մշակել են «Տրայան» 155 մմ քարշակային հրետանային համակարգը: Հայաստանն այս համակարգն ընտրել է իր զորքերի համար։ Հնդկաստանում մշակվել են այս զենքի ևս մի քանի ենթահամակարգեր։
Ըստ հրապարակման՝ Հայաստան առաքումները տեղի կունենան առաջիկա ամիսներին։ Հայաստանը Հնդկաստանից ստանում է նաև Pinaka բազմափողանի հրթիռային կայաններ և Akash հակաօդային պաշտպանության համակարգեր։ Այս գործարքի մասին պաշտոնական տեղեկություններ չեն հաղորդվում։
Թարգմանությունը՝ Էմմա Չոբանյանի
