16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Մարդիկ չգիտեն՝ որ ինստիտուտից ինչ պահանջեն, կախարդական փայտիկի ակնկալիքները շատ են․ ապոլիտիկ զրույց Քրիստիննե Գրիգորյանի հետ. ՏԵՍԱՆՅՈՒԹ
Հաղորդաշարեր
02.07.2022 | 21:02
Factor TV-ի A-politic հաղորդաշարի հյուրն է Հայաստանի Մարդու իրավունքների պաշտպան Քրիստիննե Գրիգորյանը: Նշելով, որ ըստ Սահմանադրության՝ Մարդու իրավունքների պաշտպանը պետք է դրսևորի քաղաքական զսպվածություն, նա, միաժամանակ, կարծիք է հայտնում, որ ՄԻՊ գրասենյակի դիրքորոշումը կարող է ազդել քաղաքականության վրա, եթե դրա տակ հասկացվում է ոչ թե կուսակցությունների պայքարը, այլ այն, ինչ անգլերեն կոչվում է policy, այսինքն՝ տվյալ դեպքում՝ պետական որոշումներ ընդունելու ռազմավարությունը:
Այժմ քննարկվում են սահմանադրական հերթական փոփոխությունները, և Քրիստիննե Գրիգորյանը կարծում է, որ պետք է ոչ այնքան ավելացնել օմբուդսմենի իրավասությունները, որքան հարստացնել «Մարդու իրավունքներ» բաժինը՝ տարբեր խոցելի խմբերի իրավունքներն ընդլայնելու ուղղությամբ: Գործող ՄԻՊ-ը պատրաստվում է, իր նախորդների նման, օգտագործել Սահմանադրական դատարան դիմելու՝ Հիմնական օրենքով նախատեսված իրավունքը: Ի դեպ, նախորդ 4 ՄԻՊ-երի աշխատանքը հաղորդման հյուրը համարում է հիմնականում արդյունավետ, և այդ առումով կարևորում է ինստիտուցիոնալ հիշողությունը:
Մարդու իրավունքների պաշտպանն ընդհանուր առմամբ համաձայն է, որ կառավարման ձևից կախված չէ ժողովրդավարության կամ մարդու իրավունքների բարվոք կամ ոչ բարվոք վիճակը: Մյուս կողմից՝ նա չի կիսում այն մոտեցումը, թե Հայաստանը նույն Շվեդիան է, բայց 300 տարի առաջ, և հիմա պետք է արագացված տեմպերով հասնել այդ երկրի վիճակին․ պայմանները և խնդիրները խիստ տարբեր են: Այլ հարց է, որ պետք է հաշվի առնել այլ երկրների փորձը:
Մանրամասները՝ տեսանյութում:
