14.03.2026 | 11:33
10 միլիոն դոլար պարգևատրում՝ Իրանի նոր այաթոլլայի մասին տեղեկատվության համար․ ԱՄՆ Պետդեպարտամենտի առաջարկը
Մարությանը դիմեց Փաշինյանին․ ՏԵՍԱՆՅՈՒԹ
Քաղաքականություն
15.01.2025 | 14:18
«Մենք Փաշինյանից դեռ պատասխան չենք ստացել, ամբողջ հանրությունը դրան է սպասում։ Կառավարության ղեկավարը պետք է արտահայտի իր վերաբերմունքն այս ամենի վերաբերյալ, որովհետև սա կոնկրետ հարվածում է հենց այն մարդկանց, այն սոցիալական խմբերին, որոնց խոստում տալով նա եկել է իշխանության»,- Factor TV-ի հարցին ի պատասխան ասաց Երևանի նախկին քաղաքապետ Հայկ Մարությանը։
«2018 թվականին նա հենց սոցիալական անարդարության դեմ պայքարի ալիքի վրա եկավ և դարձավ երկրի ղեկավար։ 100 հազարավոր մարդիկ դուրս էին եկել փողոց սոցիալական խնդիրների պատճառով։ Պարո՛ն Փաշինյան, դուք պայքարում էիք սոցիալական անարդարության դեմ, հիմա այս որոշումն ամենաուժեղը հարվածում է այն մարդկանց, ում համար դուք պայքարում էիք։ Հիմա հակառակն է տեղի ունենում․ մենք տեսնում ենք՝ ինչպես են ձեր կուսակցական ընկերները մեջ-մեջ անում պետական և համայնքային բյուջեն»,- ասաց Հայկ Մարությանը։
Մանրամասները՝ տեսանյութում։
Արփի Հակոբյան
