04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Պատկերասրահը պետք է դառնա ժամանցի վայր՝ լավ իմաստով. ապաքաղաքական զրույց Մարինա Հակոբյանի հետ․ ՏԵՍԱՆՅՈՒԹ
Հաղորդաշարեր
12.01.2025 | 21:00
Factor TV-ի A-politic հաղորդաշարի հյուրն է Հայաստանի ազգային պատկերասրահի տնօրեն, արվեստաբան Մարինա Հակոբյանը: Պահպանելով այն սկզբունքը, որը պատկերասրահը որդեգրել էր իր ստեղծման օրվանից՝ հայկական, ռուսական, արտասահմանյան արվեստ, տնօրենը և աշխատակիցներն առաջարկում են նոր հայեցակարգ, որի առանցքում հայկական կերպարվեստը համաշխարհային մշակույթի համատեքստի մեջ դնելը կլինի: Օրինակ՝ բացահայտել հայ արվեստագետների իմպրեսիոնիստական կտավներն այդ ուղղության համաշխարհային լավագույն նմուշների «միջավայրում»:
Մարինա Հակոբյանի կարծիքով՝ պատկերասրահը պետք է դառնա այլընտրանքային ժամանցի վայր, ժամանց՝ այդ բառի լավագույն իմաստով: Այսինքն՝ պետք է հնարավորություն տա նաև կրթվելու, հանգստանալու, ընթերցելու, զարգանալու: Այդ առումով հաղորդման հյուրը կարևորում է նաև Պատկերասրահի կապը կրթական հաստատությունների հետ, ինչպես նաև «ներսում» և «դրսում» տարբեր միջոցառումների անցկացումը:
Ըստ արվեստաբանի՝ պատկերասրահի խնդիրներից մեկը տարածքի սղությունն է, որը թույլ չի տալիս ցուցադրել պահոցում գտնվող նմուշների գերակշիռ մասը: Նույն պատճառով առայժմ հնարավոր չէ ներկայացնել 20-րդ դարի վերջին տասնամյակների և 21-րդ դարի արվեստը, որը հարուստ է արժեքավոր նմուշներով:
«Մեր արվեստը չի ավարտվել 1960-ական թվականներին»,- արձանագրում է Մարինա Հակոբյանը:
Մանրամասները՝ տեսանյութում:
Արամ Աբրահամյան
