19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ռուսական էներգետիկ ընկերությունները ցանկանում են Քարվաճառում և Բերձորում հողմային կայաններ կառուցել
Քաղաքականություն
10.06.2022 | 21:51
Ռուսական էներգետիկ ընկերությունները հետաքրքրված են Արցախի գրավյալ Քարվաճառում և Բերձորում հողմային կայանների կառուցմամբ։
«Ադրբեջանի և Ռուսաստանի միջև էներգահամագործակցության ընդլայնման հարցը քննարկվել է դեռևս ապրիլին (2022 թ. ապրիլի 26-ին) Բաքվում՝ ադրբեջանա-ռուսական տնտեսական համագործակցության միջկառավարական հանձնաժողովի նիստի շրջանակում»,- այս մասին «Ինտերֆաքս»-ի ադրբեջանական ծառայությանը հայտնել են Ադրբեջանի կառավարությունից։
Աղբյուրի փոխանցմամբ՝ հանդիպման ընթացքում, մասնավորապես, հետաքրքրություն ու պատաստակամություն է եղել ռուսական «Ինտեր ՌԱՕ», «ՌուսՀիդրո» և այլ ընկերությունների կողմից՝ մասնակցելու էներգետիկ օբյեկտների կառուցման և արդիականացման նախագծերին։
«Խոսքը Լաչինի և Քարվաճառի շրջաններում 100 ՄՎտ հզորությամբ հողմային պարկի և Տերտեր գետի վրա 20 ՄՎտ հզորությամբ փոքր հիդրոէլեկտրակայանի կառուցման նախագծերի մասին է»,- ասել է լրատվամիջոցի աղբյուրը։
Հավելենք, որ Ռուսաստանը տարբեր նախագծեր է իրականացնում Արցախի գրավյալ տարածքներում։ Մասնավորապես, Ջրականում «Կամազ» ընկերությունը սպասարկման կենտրոն է կառուցում։
Էմմա Չոբանյան
