20.12.2025 | 11:33
Դեսպան Ղևոնդյանը և Ղազախստանի պաշտպանության նախարարը քննարկել են երկկողմ համագործակցության զարգացումը
Urdaneta-Armsat 1․ հայկական արբանյակի անվանումն ու տեխնիկական հնարավորությունները
Քաղաքականություն
26.05.2022 | 14:21
Ինչպես արդեն տեղեկացրել էինք, «SpaceX» ընկերության Falcon 9 հրթիռով Երկիր մոլորակի ուղեծիր է դուրս բերվել Հայաստանի Հանրապետության առաջին տիեզերական արբանյակը: Սա տեղի է ունեցել հայկական պետական «Գեոկոսմոս» ՓԲԸ-ի և իսպանական «Սատլանտիս» ընկերության համագործակցության արդյունքում»։ Factor.am-ը Ձեզ է ներկայացնում ուղեծիր ուղարկված առաջին հայկական արբանյակի տեխնիկական նկարագիրը։
Ուղեծիր դուրսբերված հայկական առաջին տիեզերական արբանյակը Urdaneta-Armsat 1-ն է, որն արտադրվել է իսպանական «Սատլանտիս» ընկերության կողմից։ Այն պատկանում է 16U CubeSats փոքր արբանյակների դասին, որոնք նախատեսված են երկրի ուսումնասիրության համար։ «Սատլանտիս» ընկերությունը հիմնադրվել է 2013 թվականին: Դրա կենտրոնակայանը գտնվում է Բասկերի ինքնավարության մայրաքաղաք Բիլբաոյում։
Արբանյակի վրա տեղադրված է Satlantis-ի iSIM-90 դիտարկման սարք, որը նախկինում ուղեծիր է ուղարկվել CASPR փորձարկման շրջանակներում STP-H7 արբանյակի վրա։ Տեսախցիկը վայրկյանում 52 լուսանկար է անում 4000 x 3000 պիքսել Ultra High Pixel (UHP) լուծաչափով:
iSIM-90-ը 500 կմ բարձրությունից թույլ է տալիս դիտարկել մինչև 1,65 մ խոշորության օբյեկտներ: Այն ունի 26 կմ լայնության պատկերման հնարավորություն և գործում է 4 սպեկտրային տիրույթներում: Բազմասպեկտրալ տիրույթների (RGB և NIR) շնորհիվ դիտարկման համակարգի տարածական լուծաչափը գոտիների քանակի աճին զուգահեռ չի նվազում:
Տաթև Ֆռանգյան
