09.06.2026 | 17:00
Շոկային էր այն, ինչ տեսա Գյումրիում, ո՞նց կարող էր նման բան լինել մի երկրում, որտեղ ես վարչապետ եմ․ ՏԵՍԱՆՅՈՒԹ
Մայիսի 8-ին կայանալիք ՀՀ վարչապետի ընտրություններում ՀՀԿ-ն թեկնածու չի առաջադրի
Քաղաքականություն
02.05.2018 | 18:14
19:01
ՀՀԿ-ն կօժանդակի մեկ երրորդի կողմից առաջադրվող թեկնածուին մայիսի 8-ին, որը ՀՀԿ-ի թեկնածուն չի լինի։ Եվ թող այդ թեկնածուն լինի մյուս երեք քաղաքական ուժերի թեկնածուն: Այս մասին հայտարարեց Վահրամ Բաղդասարյանը:
——————————————————————-
18:39
Որոշ տեղեկություններով, Սերժ Սարգսյանի հետ երկրորդ ռաունդն է սպասվում։
Սերժ Սարգսյանի հետ հանդիպումից հետո հարցին, թե ինչ արդյունք տվեց հանդիպումը, Հակոբ Հակոբյանն ասաց՝ թողեք մտածեմ, հետո կպատասխանեմ:
——————————————————————–
18:33
Կարծես թե Սերժ Սարգսյանի հետ հանդիպումը որոշակիություն չի մտցրել ՀՀԿ-ականների ծրագրերում։ ՀՀԿ-ական պատգամավոր Արամայիս Գրիգորյանը Սերժ Սարգսյանի հետ հանդիպումից հետո մոտեցավ Գալուստ Սահակյանին ու ասաց՝ Գրիգորիչ ջան, մի բարի խորհուրդ տուր, անենք:
Ի դեպ, ոչ մի ՀՀԿ-ականի դեմքին ժպիտ չկա, մի մասը հեռախոսով ճշտում է, թե ինչ է կատարվում իրենց տան մոտ։
———————————————————————
18:23
Հաստատվեց՝ Սերժ Սարգսյանը հեռացել է Ազգային ժաղավից: Իսկ նիստի երկրորդ մասը կկայանա առանց ՀՀԿ ղեկավարի:
———————————————————————————–
18:20
Քիչ առաջ մի խումբ ՀՀԿ-ական պատգամավորներ դուրս եկան բրիֆինգների սրահից, որտեղ ընթանում է խմբակցության նիստը Սերժ Սարգսյանի մասնակցությամբ։ Գագիկ Մինասյանը լրագրողներին տեղեկացրեց, որ դեռ որևէ որոշում չեն ընդունել:
Այս պահին հասկանալի չէ՝ նիստն ավարտվե՞լ է, թե՞ պարզապես Սերժ Սարգսյանի հեռանալուց հետո ընդմիջում են վերցրել:
————————————————————————————————
Սերժ Սարգսյանն այս պահին Ազգային ժողովում է, ուր ընթանում է ՀՀԿ խմբակցության նկստը:
Քննարկվում է վարչապետի թեկնածու առաջադրելու հարցը:Առավել մանրամասն տեղեկատվությամբ հանդես կգանք առաջիկա րոպեներին:
