28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Ռազմական օմբուդսմենի ինստիտուտի ներդրումը Հայաստանում․ ուսումնասիրություն
Հասարակություն
11.05.2022 | 19:41
Հելսինկյան քաղաքացիական ասամբլեայի Վանաձորի գրասենյակը հայտարարությամբ է հանդես եկել զինված ուժերում մարդու իրավունքների պաշտպանության խնդիրների վերաբերյալ հայտարարությամբ։
Հելսինկյան քաղաքացիական ասամբլեայի Վանաձորի գրասենյակը իր իրավապաշտպան գործունեության շրջանակում մշտապես արձանագրել է զինված ուժերում մարդու իրավունքների պաշտպանության խնդիրները և կարևորել դրանց լուծման ուղղությամբ առաջարկությունների մշակումը։
ՀՔԱՎ-ը, հիմք ընդունելով միջազգային լավագույն փորձը, որդեգրել է մոտեցում, որի համաձայն՝ մարդու իրավունքների պաշտպանության ազգային մեխանիզմների զարգացումը պետք է ուղեկցվի մասնագիտացված օմբուդսմենների ձևավորմամբ։
ՀՔԱ Վանաձորի գրասենյակը դեռևս 2016-ին «ՀՀ մարդու իրավունքների պաշտպանի մասին» ՀՀ օրենքի նախագծի վերաբերյալ իր գնահատականում շեշտել էր ռազմական օմբուդսմենի ստեղծման անհրաժեշտությունը։ Այսօր էլ այս առաջարկը շարունակում է մնալ արդիական, իսկ զինված ուժերում իրավունքների պաշտպանության խնդիրները մինչ օրս կրում են համակարգային բնույթ։
Այդ իսկ պատճառով Ռազմական օմբուդսմենի ինստիտուցիոնալ կառույցի արդյունավետության վերաբերյալ այս ուսումնասիրությամբ ՀՔԱՎ-ը կրկին անդրադառնում է առկա խնդիրներին և ներկայացնում առաջարկություն՝ համակարգային փոփոխություններ նախաձեռնելու նպատակով։ Ուսումնասիրությունն իրականացվել է 2020 թ․-ին։
Անդրադարձ կա ինչպես Ռազմական օմբուդսմեն հասկացությանը, այնպես էլ ինստիտուտի ներդրման միջազգային փորձին, իրավական կարգավորումներին, գործառույթներին և ՀՀ-ում ռազմական օմբուդսմենի ինստիտուտի ձևավորման նախընտրելի ձևին։
Ուսումնասիրությունը հասանելի է ԱՅՍՏԵՂ։
