15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Մարուքյանի արձագանքը Բաքվին․ ԱԳՆ պարզաբանումը Ադրբեջանի հետ համատեղ հանձնաժողովի մասին․ Լուրեր
Քաղաքականություն
10.05.2022 | 16:27
- Ադրբեջանի ԱԳ նախարարն այսօր հայտարարել է, որ Հայաստանը և Ադրբեջանը համաձայնեցրել են սահմանազատման հանձնաժողովի կազմը։ Նա նաև խոսել է հայ-ադրբեջանական բանակցությունների իրենց 5 առաջարկների և Հայաստանի ներկայացրած 6 առաջարկների մասին։ Ներկայացնելով հայկական կողմի առաջարկներից չորսը՝ նա ասել է, որ դրանք նույնիսկ առաջարկներ չեն, այլ հայտարարություններ են։
- ՀՀ ԱԳՆ խոսնակ Վահան Հունանյանը, մեկնաբանելով Բայրամովի խոսքերը, ասել է, որ Հայաստանի և Ադրբեջանի արտգործնախարարները հեռախոսազրույցում համաձայնության են եկել սահմանազատման և սահմանային անվտանգության հանձնաժողովի կառուցվածքի շուրջ: Հանձնաժողովի կազմի մասին բանավոր հարցին Հունանյանը չի պատասխանել՝ հորդորելով գրավոր հարցում ուղարկել։
- Ադրբեջանական կողմի հայտարարություններին պատասխանել է Հայաստանի հատուկ հանձնարարություններով դեսպան Էդմոն Մարուքյանը։ Նա նշել է, որ հայկական կողմի ներկայացրած 6 կետանոց փաստաթուղթը ներառում է նաեւ Լեռնային Ղարաբաղի հայության անվտանգության, իրավունքների պաշտպանության եւ Լեռնային Ղարաբաղի վերջնական կարգավիճակի հարցը:
- Ընդդիմությունն այսօր Երևանում չորս ուղղություններով երթեր է կազմակերպել։ Առաջին երթը մեկնարկել էր Գայի պողոտայից, երկրորդը՝ Րաֆֆու փողոցից՝ Անդրանիկի արձանի մոտից, երրորդը՝ 15 թաղամասից՝ Չաուշի արձանի մոտից և չորրորդը՝ Սասունցի Դավթի արձանի մոտից։ Ժամը 19.00-ին Ֆրանսիայի հրապարակում տեղի կունենա ընդդիմության հանրահավաքը։
Այս ժամի լուրերը՝ տեսանյութում։
