12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Փաշինյանի եռատոնի ուղերձը՝ խաղաղության մասին․ Քերոբյանը՝ զբոսաշրջության արձանագրած աճի մասին․ Լուրեր
Քաղաքականություն
09.05.2022 | 14:47
- Եռատոնի կապակցությամբ նախագահ Վահագն Խաչատուրյանը, վարչապետ Նիկոլ Փաշինյանը և այլ պաշտոնյաներ այցելել են Եռաբլուր, հղել են ուղերձներ։ Պաշտոնյաներն այցելել են նաև Հաղթանակի զբոսայգի՝ հարգելու Երկրորդ աշխարհամարտում զոհվածների հիշատակը։
- Փաշինյանն իր ուղերձում կրկին խոսել է խաղաղությունից։ Նա նշել է, որ Արցախի հայության իրավունքների լիարժեք իրացումը, սերունդների խաղաղ զարգացումն ու տարածաշրջանային խաղաղ գոյակցությունը Արցախի ու Հայաստանի անվտանգության միակ հուսալի երաշխիքն են:
- Մովսես Հակոբյանի հայտարարությունների հիման վրա հարուցված քրեական գործը Քննչական կոմիտեն վարույթ է ընդունել։ ՔԿ նախագահ Արգիշտի Քյարամյանը լրագրողների հետ զրույցում հայտնել է, որ քրեական գործը դատախազության նախաձեռնությամբ տեղափոխվել է Կոմիտե։ Անդրադառնալով քրեական գործում վարչապետ Նիկոլ Փաշինյանին որպես մեղադրյալ ներգրավելու պահանջներին՝ Քյարամյանը նշել է, որ գործը դեռ ուսումնասիրում են։
- Էկոնոմիկայի նախարար Վահան Քերոբյանը տեղեկացրել է, որ ապրիլ ամսին ներգնա զբոսաշրջիկների քանակը կազմել է 96,938։ Դա մոտ է 2016 թվականի ցուցանիշին և զիջում է 2017-2019 թվականների ցուցանիշներին։
Այս ժամի լուրերը՝ տեսանյութում։
