16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Ջո Բայդենը հայտարարել է, որ Բուչայում տեղի ունեցածը «ռազմական հանցագործություն» է
Քաղաքականություն
04.04.2022 | 19:46
ԱՄՆ նախագահ Ջո Բայդենը ուկրաինական Բուչայում «Ռուսաստանի և նախագահ Վլադիմիր Պուտինի կատարած վայրագությունները անվանել է պատերազմական հանցագործություն», սակայն ընդգծել, որ դա ցեղասպանություն չէ՝ հավելելով, որ ինքը դիտարկում է Ռուսաստանի նկատմամբ ավելի շատ պատժամիջոցներ կիրառելու հարցը, գրում է CNN-ը։
«Դուք կարող եք հիշել, որ ինձ քննադատեցին Պուտինին ռազմական հանցագործ անվանելու համար։ Ճշմարտությունը դուք տեսաք, թե ինչ տեղի ունեցավ Բուչայում: Նա ռազմական հանցագործ է: Բայց մենք պետք է հավաքենք տեղեկատվությունը։ Մենք պետք է շարունակենք Ուկրաինային զենք մատկարարել, որի կարիքն ունեն՝ պայքարը շարունակելու համար։ Մենք պետք է հավաքենք բոլոր մանրամասները, որպեսզի լինի պատերազմական հանցագործության դատավարություն։ Նա դաժան է, և այն, ինչ կատարվում է Բուչայում, սարսափելի է, բոլորը դա տեսել են»,- ասել է Բայդենը։
Պատասխանելով հարցին՝ արդյո՞ք Բուչայում կատարված հանցագործությունները փաստում են, որ դա ցեղասպանություն է, Բայդենը շեշտել է. «Ո՛չ, ես կարծում եմ, որ դա ռազմական հանցագործություն է»:
ԱՄՆ նախագահը նաև ասել է, որ հավելյալ պատժամիջոցներ են լինելու, և շուտով կհայտարարվի դրանց մասին։
Էմմա Չոբանյան
