10.09.2026 | 13:18
Ջերմաստիճանը կբարձրանա․ բարձր կարգի հրդեհավտանգ իրավիճակ է սպասվում
Ռուս խաղաղապահները պետք է նաև կրակեն. ՔՊ պատգամավոր․ ՏԵՍԱՆՅՈՒԹ
Քաղաքականություն
30.03.2022 | 17:14
«Ստեղծված իրադրությունը հետաքննության կարիք ունի, պարզաբանման անհրաժեշտություն կա, թե ինչպես եղավ, որ ադրբեջանցիները հայտնվեցին այն տարածքում, որը գտնվում էր ռուսական խաղաղապահ զորքերի վերահսկողության տակ»- այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Արմեն Խաչատրյանը՝ անդրադառնալով դիտարկմանը, որ ադրբեջանական զինուժը, շրջանցելով ռուս խաղաղապահների վերահսկողության տակ գտնվող տարածքը, հատել է ենթադրյալ սահմանը և որևէ խոչընդոտի չի հանդիպել:
«Այստեղ կարող են լինել մի քանի հանգամանքներ, առաջին՝ անհաղթահարելի ուժի ազդեցության գործոնը, երկրորդ՝ խաբկանքի գործոնը: Բացառում եմ, որ պայմանավորվածություն է եղել:
Ինչ վերաբերում է ռուս խաղաղապահների զենք կիրառել-չկիրառելուն, այդ որոշումը կայացնում են իրենք, և եթե չեն կիրառել, ուրեմն դա իրենց որոշումն է եղել: Բայց կա մի կարևոր բան, որ իրենք պետք է ապահովեն՝ կլինի զենք կիրառելու, բանակցությունների, թե քաղաքական ճնշումների միջոցով, ադրբեջանական զինուժը պետք է հետ շպրտվի ելման դիրքեր:
Այս պահի դրությամբ բանակցություններ են գնում, արդյունքները քիչ են, արդյունքն այն է, որ թշնամու ագրեսիվ գործողությունները կասեցվել են, բայց դեռևս ելման դիրքեր չեն վերադարձել»:
Պատգամավորի դիտարկմամբ՝ Ադրբեջանի սանձարձակությունն այն աստիճանի է հասել, որ կարողանում են անգամ երբեմն արհամարհել ռուս խաղաղապահների ներկայությունը: «Երբ որ ադրբեջանական կողմը սկսում է նոր մեթոդներ կիրառել և սանձարձակ վարք դրսևորել, սա պետք է ստիպի ռուս խաղաղապահներին՝ փոխել իրենց մարտավարությունը»:
Մանրամասները՝ տեսանյութում:
