09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Սպիտակ տունը հայտնել է, թե որ դեպքում Բայդենը կհանդիպի Պուտինի հետ
Քաղաքականություն
30.03.2022 | 12:23
Աշխարհը պետք է «պարզ աչքով» նայի Ուկրաինայում Ռուսաստանի կողմից ռազմական գործողությունները հետաձգելու վերաբերյալ հայտարարությանը և թերահավոտորեն վերաբերվել նախագահ Վլադիմիր Պուտինի խոսքերին: Այս մասին հայտարարել է Սպիտակ տան հեռահաղորդակցային բաժնի ղեկավար Քեյթ Բեդինգֆիլդը, գրում է Guardian-ը։
«Մենք պետք է տեսնենք, թե արդյոք նրանց գործողությունները համապատասխանում է իրենց խոսքերին»,- հայտարարել է նա։
«Բայց ես կարծում եմ, որ մենք պետք է պարզ աչքով նայենք իրականությանը, թե ինչ է կատարվում տեղում, և ոչ ոք չպետք է խաբվի Ռուսաստանի հայտարարություններով։
Մենք կարծում ենք, որ Կիևի շուրջ ուժերի ցանկացած տեղաշարժ վերաբաշխում է և ոչ թե նահանջ, և աշխարհը պետք է պատրաստ լինի մեծ հարձակման Ուկրաինայի այլ տարածքների դեմ»,- հայտարարել է Բեդինգֆիլդը:
Նա հավելել է, որ ԱՄՆ նախագահ Ջո Բայդենը պատրաստ է հանդիպել Պուտինի հետ, բայց միայն այն դեպքում, եթե նախապես որոշակի երաշխիքներ տրվեն:
«Դա կախված կլինի նրանից, թե ինչի շուրջ նախագահ Պուտինը կցանկանա խոսել: Մենք շատ պարզ ենք այն հարցում, որ պետք է շոշափելի ապաէսկալացիա լինի Ռուսաստանի կողմից և հստակ, անկեղծ հավատարմություն դիվանագիտությանը, նախքան նախագահը նման խոսակցություն կունենա»,-եզրափակել է Բեդինգֆիլդը:
Հիշեցնենք, որ ՌԴ պաշտպանության նախարարությունը որոշել է կրճատել Կիևի և Չեռնիգովի ուղղությամբ ռազմական ակտիվությունը։
