23.04.2026 | 17:42
Վճռաբեկ դատարանը բեկանել է Փաշինյանի և ընտանիքի հասցեին բռնության կոչեր հնչեցնելու գործով ուսուցչի արդարացման դատական ակտը
ՌԴ ՊՆ-ն բանակցություններից հետո հայտարարել է Կիևի և Չեռնիգովի ուղղություններով ռազմական ակտիվությունը նվազեցնելու մասին
Քաղաքականություն
29.03.2022 | 17:45
ՌԴ պաշտպանության նախարարությունը որոշել է կրճատել Կիևի և Չեռնիգովի ուղղությամբ ռազմական ակտիվությունը։ Այս մասին ասվում է Ստամբուլում ռուս-ուկրաինական բանակցությունների արդյունքներով գերատեսչության հրապարակած հայտարարության մեջ, որն ընթերցել է պաշտպանության նախարարի տեղակալ, գեներալ-գնդապետ Ալեքսանդր Ֆոմինը, փոխանցում է ՏԱՍՍ-ը։
«Կապված այն հանգամանքի հետ, որ Ուկրաինայի չեզոքության և ոչ միջուկային կարգավիճակի մասին պայմանագրի նախապատրաստման, ինչպես նաև Ուկրաինային անվտանգության երաշխիքների տրամադրման շուրջ բանակցությունները գործնական հարթակ են մտնում, հաշվի առնելով այսօրվա հանդիպման ժամանակ քննարկված սկզբունքները, Ռուսաստանի Դաշնության Պաշտպանության նախարարությունը, փոխադարձ վստահությունը բարձրացնելու և հետագա բանակցությունների և վերջնական նպատակին հասնելու համար անհրաժեշտ պայմաններ ստեղծելու նպատակով, որոշում է կայացրել արմատապես՝ մի քանի անգամ նվազեցնել ռազմական ակտիվությունը Կիևի և Չեռնիգովի ուղղություններում»,- ասել է նա։
Նա նաև հայտնել է, որ ՌԴ Զինված ուժերի գլխավոր շտաբը կայացված որոշումների մասին առավել մանրամասներ կզեկուցի ռուսական պատվիրակության՝ Մոսկվա վերադառնալուց հետո։
Տաթև Ֆռանգյան
