21.08.2026 | 09:36
ՀՀ տարածքում ավտոճանապարհներն անցանելի են
Ռումբի ահազանգ է ստացվել Երևան-Մոսկվա չվերթն իրականացնող ինքնաթիռում
Քաղաքականություն
29.03.2022 | 12:51
Անհայտ անձը հայտնել է Երևանից Մոսկվա թռչող ինքնաթիռում ռումբի առկայության մասին, ՏԱՍՍ-ին հայտնել է արտակարգ ծառայություններում սեփական աղբյուրը։
««Շերեմետևո» օդանավակայանի էլեկտրոնային փոստին անանուն հաղորդագրություն է ստացվել Երևան-Մոսկվա չվերթի ինքնաթիռում ռումբի առկայության մասին: Ինքնաթիռն օդում է, վայրէջքից հետո այն կստուգվի»,- հայտնում է աղբյուրը:
Flightradar24-ի տվյալներով՝ այս պահին Երևանից «Վնուկովո» է թռչում Boeing ինքնաթիռ։ Առավոտյան «Շերեմետևո» թռչող ինքնաթիռը փոխել է ուղղությունը և վայրէջք կատարել Սամարայում Մոսկվայի ժամանակով 08:40-ին։
Նշենք, որ օրերս էլ Մոսկվայից Երևան թռչող ինքնաթիռում ռումբի առկայության մասին ահազանգ էր ստացվել։ Ստուգման արդյունքում ոչինչ չէր հայտնաբերվել:
Տաթև Ֆռանգյան
