21.08.2026 | 10:46
Պապիկյանը ստուգայցերով բանակային դիրքերում է․ ՏԵՍԱՆՅՈՒԹ
Արդար խաղաղությունը բոլոր կողմերի հաղթանակն է․ Էրդողանը դիմել է ռուս-ուկրաինական բանակցությունների մասնակիցներին
Քաղաքականություն
29.03.2022 | 12:08
Կրակի դադարեցումն ու խաղաղությունը համապատասխանում են Սևծովյան տարածաշրջանի բոլոր երկրների շահերին։ Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ դիմելով Ստամբուլի «Դոլմաբահչե» պալատում ռուս-ուկրաինական բանակցությունների մասնակիցներին, գրում է Անադոլու գործակալությունը։
Էրդողանը հայտարարել է, որ Թուրքիան բոլոր միջազգային հարթակներում ձգտում է արդարության՝ հաշվի առնելով ՌԴ-ի ու Ուկրաինայի շահերը, իրավունքներն ու դիրքորոշումները։
«Արդար խաղաղությունը բոլոր կողմերի հաղթանակն է, և շարունակվող բախումները կողմերից ոչ մեկին օգուտ չեն բերի: ՌԴ-ի ու Ուկրաինայի միջև բանակցությունները գտնվում են այն մակարդակում, երբ կոնկրետ արդյունքներ են հնարավոր։ Միջազգային հանրությունը Ստաբուլում հանդիպման մասնակիցներից ակնկալում է դրական որոշումներ»,-ասել է Էրդողանը։
Նա նշել է, որ պաշտոնական Անկարան պատրաստ է իր ներդրումն ունենալ Կիևի ու Մոսկվայի միջև խաղաղության օրակարգի առաջ մղման գործում։
Հավելենք, որ Ստամբուլի «Դոլմաբահչե» պալատում ռուս-ուկրաինական բանակցություններ անցակացնելու պայմանավորվածությունը ձեռք էր բերվել ՌԴ-ի ու Թուրքիայի նախագահների հեռախոսազրույցի արդյունքում։
Էմմա Չոբանյան
