26.11.2024 | 18:24
Հայաստանի խնդրանքով ԵՏՄ գագաթնաժողովը կանցկացվի Սանկտ Պետերբուրգում․ Ուշակով
Պեսկովը վստահեցրել է, որ Ռուսաստանը միջուկային զենք չի օգտագործի Ուկրաինայում
Քաղաքականություն
29.03.2022 | 12:26
ՌԴ նախագահի մամուլի քարտուղար Դմիտրի Պեսկովը ամերիկյան PBS հեռուստաալիքին տված հարցազրույցում ասել է, որ որևէ ոչ մի սցենարով Ռուսաստանը չի պատրաստվում միջուկային զենք կիրառել Ուկրաինայում, գրում է Ինտերֆաքսը։
«Մենք կասկած չունենք, որ Ուկրաինայում մեր հատուկ գործողության բոլոր նպատակները կիրականանան։ Ինչպես էլ զարգանան իրադարձությունները (Ուկրաինայում ), այնտեղ միջուկային զենք կիրառելու պատճառ չկա»,- ասել է նա։
«Ոչ ոք չի դիտարկում միջուկային զենք կիրառելու հարցը, անգամ՝ դրա գաղափարը», – նշել է Պեսկովը։ Կրեմլի խոսնակը հերքել է լրագրողի այն պնդումը, թե ՌԴ նախագահ Վլադիմիր Պուտինն ասել է, որ Ռուսաստանը միջուկային զենք կկիրառի, եթե երրորդ երկրները միջամտեն հակամարտությանը։
«Ես այդպես չեմ կարծում: Նա (նախագահը) զգուշացրել է, որ պետք չէ միջամտել: Իսկ եթե դա տեղի ունենա, ապա մենք միջոցներ և հնարավորություններ ունենք կանխելու դա և պատժելու նրանց, ովքեր կփորձեն»,- ասել ՌԴ նախագահի մամուլի քարտուղարը։
Պեսկովը, խոսելով Ռուսաստանի Դաշնության միջուկային դոկտրինի մասին, ասել է, որ Ռուսաստանը «կարող է և կկիրառի միջուկային զենք միայն այն դեպքում, եթե անհրաժեշտ լինի վերացնել Ռուսաստանի գոյության սպառնալիքը»։
Տաթև Ֆռանգյան
