10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
Ինչ կփոխվի Աշխատանքային օրենսգրքում․ նախագիծը հանրային քննարկման է դրվել․ ՏԵՍԱՆՅՈՒԹ
Հասարակություն
28.03.2022 | 11:20
ՀՀ աշխատանքի և սոցիալական հարցերի նախարարությունը հանրային քննարկման է ներկայացրել «Աշխատանքային օրենսգրքում փոփոխություններ և լրացումներ կատարելու մասին» նախագծի լրամշակված տարբերակը:
Նախագծով փոփոխություններ ու նոր կարգավորումներ են առաջարկվում մի շարք ուղղություններով, որոնք առնչվում են ինչպես աշխատողներին, այնպես էլ գործատուներին:
«Վերանայվել է աշխատաքային պայմանագրի բովանդակությունը. առաջարկել ենք, որ աշխատանքային գործառույթները հստակ նշված լինեն պայմանագրում:
Նախատեսվում է, որ պայմանագրում նշված աշախատավարձը պետք է ներառի հարկերը և մյուս վճարները, որոնք կատարվում են աշխատավարձից. միասնական խաղի կանոններ են նախատեսվում բոլոր աշխատողների համար:
Գործող կարգավորումներով նախատեսված է, որ եթե աշխատողն իր նախաձեռնությամբ ուզում է լուծել աշխատանքային պայմանագիրը, 30 օր առաջ պետք է ծանուցի գոծատուին: Որպեսզի հստակեցում մտցվի կարգավորումներում, մենք առաջարկում ենք, որ եթե աշխատողը այլ ժամկետ է նախատեսում աշխատանքային պայմանագրի լուծման, իսկ գործատուն դեմ չէ, այս դեպքում էլ կարող է պայմանագիրը լուծվել աշխատողի նախաձեռնությամբ»,- այսօր հրավիրված ասուլիսում ՀՀ աշխատանքի և սոցիալական հարցերի նախարարության Աշխատանքի և զբաղվածության վարչության պետ Ժորա Սարգսյանը:
Մանրամասները՝ տեսանյութում:
