20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Փառուխի դիրքերը ռուսական կողմի առաջարկով մեկ շաբաթ առաջ հետ էինք քաշել. Բաբայան․ ՏԵՍԱՆՅՈՒԹ
Քաղաքականություն
25.03.2022 | 12:55
«Որքանով ես տեղեկացված եմ, մինչ էդ ռուսական կողմը դիմել էր Արցախի ՊԲ-ին, որ էդ պոստերը հանեին, որ իմաստ չունի այդտեղ պոստ պահելու, երկու կողմն էլ հանում են պոստերը, բայց պարզվեց, որ հետո արդբեջանցիները եկել են, էդտեղ նստել: Ռուսական կողմն այնտեղ չի եղել, հիմա ռուսական կողմը գնացել է, որ էդ հարցերը կարգավորի»,- այս մասին խորհրդարանում լրագրողների հետ զրույցում ասաց «Ազատական» կուսակցության նախագահ, Արցախի Հանրապետության անվտանգության խորհրդի նախկին քարտուղար Սամվել Բաբայանը՝ անդրադառնալով Արցախի Ասկերանի շրջանում առաջացած կոնֆլիկտին:
Հիշեցնենք, որ ըստ Արցախի ՊԲ հաղորդագրության՝ մարտի 24-ին ադրբեջանական ստորաբաժանումները ներխուժել են Արցախի Հանրապետությունում Ռուսաստանի Դաշնության խաղաղապահ զորակազմի պատասխանատվության գոտի` վերահսկողության տակ վերցնելով Ասկերանի շրջանի Փառուխ գյուղն ու հարակից դիրքերը:
Ըստ Բաբայանի տեղեկատվության` հայկական և ադրբեջանական կողմերի միջև մոտ մեկ շաբաթ առաջ ռուսական կողմի առաջարիկով պայմանավորվածություն էր ձեռք բերվել այդ հատվածից հանել դիրքերը՝ թողնելով այն ռուս խաղաղապահների վերահսկողության ներքո: Նրա խոսքով՝ այդ ուղղությամբ բնագծեր չենք ունեցել:
«Պետք է պահանջել, որ ռուսական կողմը վերադարձնի այդ բարձունքը, որովհետև իրենց իսկ առաջարկով են էդ դիրքերը հանել: Պետք է ստիպել ռուսական կողմին, որ հետ տաn էդ դիրքերը»,- ընդգծեց Բաբայանը:
Մանրամասները՝ տեսանյութում:
