16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ռուսաստանը կարող է միջուկային զենք կիրառել գոյաբանական սպառնալիքի դեպքում․ Պեսկով
Քաղաքականություն
23.03.2022 | 10:47
Ռուսաստանը կարող է միջուկային զենք կիրառել երկրի գոյությանը սպառնացող վտանգի դեպքում: Այս մասին հայտարարել է Ռուսաստանի նախագահի մամուլի խոսնակ Դմիտրի Պեսկովը CNN-ին տված հարցազրույցում։
«Մենք ունենք ազգային անվտանգության հայեցակարգ, այն հասանելի է նաև հանրությանը, կարող եք կարդալ, թե որոնք են պատճառները, երբ կարելի է միջուկային զենք օգտագործել․ այսինքն՝ եթե երկրին սպառնացող գոյաբանական վտանգ կա, ապա այն կարող է օգտագործվել մեր հայեցակարգին համապատասխան»,-ասել է նա։ Ինչպես նշել է Կրեմլի խոսնակը, հայեցակարգի տեքստում այլ պատճառներ նշված չեն։
CNN-ի այն հարցին, թե ինչի է հասել Պուտինը Ուկրաինայում , Պեսկովը պատասխանել է․ «Դեռևս ոչ, նա դեռևս չի հասել»։
Հիշեցնենք՝ ՌԴ նախագահ Վլադիմիր Պուտինը նախկինում ակնարկել էր միջուկային զենքի կիրառման մասին այն երկրների դեմ, որոնք նա տեսնում է որպես սպառնալիք Ռուսաստանի համար: Դեռևս փետրվարին ՌԴ նախագահը հեռուստատեսային ուղերձում ասել էր. «Անկախ նրանից, թե ով կփորձի կանգնել մեր ճանապարհին կամ առավել ևս սպառնալիքներ ստեղծի մեր երկրի և մեր ժողովրդի համար, նրանք պետք է իմանան, որ Ռուսաստանը անմիջապես կպատասխանի, և դրա հետևանքները կլինեն այնպիսին, ինչպիսին երբեք չեն տեսել իրենց ողջ պատմության ընթացքում»:
