08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Բաքուն հայտարարել է, որ Մոսկվայի հետ քննարկել են Արցախից «հայկական զինված ուժերի դուրսբերման հարցը»
Քաղաքականություն
22.03.2022 | 17:14
Ադրբեջանի պաշտպանության նախարարի առաջին տեղակալ, Գլխավոր շտաբի պետ Քերիմ Վելիևը հանդիպել է ՌԴ ցամաքային զորքերի խաղաղապահ ուժերի գլխավոր հրամանատարի տեղակալ, գեներալ-գնդապետ Ալեքսեյ Կիմի գլխավորած պատվիրակության հետ։ Այս մասին հայտնում են ադրբեջանական լրատվամիջոցները՝ վկայակոչելով երկրի ՊՆ-ին։
«Հանդիպման ընթացքում քննարկվել են Ադրբեջանի, Ռուսաստանի նախագահների և Հայաստանի վարչապետի միջև ստորագրված հայտարարության դրույթների կատարման ընթացքը, ինչպես նաև «Ադրբեջանի տարածքում» օպերատիվ իրավիճակը, որտեղ ժամանակավոր տեղակայված են ռուս խաղաղապահները»,- ասվում է Ադրբեջանի ՊՆ հայտարարության մեջ։
Ադրբեջանական կողմը հայտնում է նաև, որ կողմերը մտքերի հանգամանալից փոխանակում են անցկացրել 2020թ․ նոյեմբերի 10-ի հայտարարության 4-րդ կետին համապատասխան հայկական զինված ուժերը «Ադրբեջանի տարածքից դուրս բերելու և այլ հարցերի շուրջ»։
Նշենք, որ Արցախի սահմանները պաշտպանում է Պաշտպանության բանակը, իսկ նոյեմբերի 9-ի հայտարարության մեջ որևէ դրույթ չկա Արցախի զինված ուժերի դուրսբերման մասին։
Էմմա Չոբանյան
