Տնտեսություն
22.03.2022 | 15:33
Ռուսական ավիաընկերություններն իրենց ունեցած 1367 ինքաթիռից 78-ը կորցրել են, շուրջ 800-ն էլ ռուսական ավիացիոն ռեեստր է փոխանցվել։ Այս մասին հայտարարել է ՌԴ տրանսպորտի նախարար Վիտալի Սավելևը, գրում է ՏԱՍՍ գործակալությունը։
«Ռուսական ռեեստր ենք տեղափոխել մոտ 800 ինքնաթիռ։ Ապահովագրում ենք դրանք ռուսական ընկերությունում։ Կորցրել ենք 78-ը»,- ասել է Սավելևը։
Նա հավելել է, որ պատժամիջոցների սահմանման ժամանակ Ռուսաստանն ունեցել է 1367 ինքնաթիռ՝ պարզաբանելով, որ 78-ը կալանվել է օտարերկրյա պետություններում։ Դրանք այլևս չեն վերադարձվի Ռուսաստանին։
Նշենք, որ մարտի 14-ին Եվրոպական ավիացիոն անվտանգության գործակալությունը կասեցրել է ռուսական բոլոր ավիաընկերությունների հավաստագրերը Եվրամիության մի շարք երկրներում։ Բացի այդ, Եվրահանձնաժողովի ղեկավար Ուրսուլա ֆոն դեր Լյայենը հայտարարել էր ռուսական ինքնաթիռների համար ԵՄ երկրների օդային տարածքն ամբողջությամբ փակելու մասին։
Էմմա Չոբանյան
