12.01.2025 | 17:49
Սպիտակ-Վանաձոր երթուղու միկրոավտոբուսի վթարի հետևանքով 12 քաղաքացի տեղափոխվել է հիվանդանոց, բոլորը դուրս են գրվել
Անհետ կորածների ընտանիքներ կան՝ վարկ են վերցրել, որ որոնողական աշխատանքներ կատարեն․ ՀՔԱՎ ներկայացուցիչ․ ՏԵՍԱՆՅՈՒԹ
Հասարակություն
22.03.2022 | 11:23
ՀՔԱՎ ներկայացուցիչներն այսօր հրավիրված ասուլիսում ներկայացրեցին «2020 թ. 44-օրյա պատերազմական գործողությունների ընթացքում անհայտ կորած անձանց և նրանց ընտանիքի անդամների իրավունքների վիճակը» թեմայով զեկույցը:
«Հոկտեմբերի 5-ից սկսեցինք տեղեկություններ ստանալ, տեղեկություններ ստացել ենք ավելի քան 1000 քաղաքացիներից՝ մոտ 700 անհետ կորածների վերաբերյալ: Մեր ստացած տեղեկատվությամբ կիսվել ենք նաև ՊՆ ներկայացուցիչների հետ:
Հետագայում այդ 700 անհետ կործաներից ոմանք գտնվել են ողջ, ոմանք՝ զոհվածների ցուցակում, ոմանց մարմինն է հայտնաբերվել: Մինչ այսօր տեղեկություններ ունենք 200 անհետ կորածների վերաբերյալ, հնարավորություն ենք ունեցել հանդիպել 104-ի ընտանիքների հետ, հարցազրույցներ են իրականացվել դեմ առ դեմ, անմիջական զրույցի միջոցով: Հարցազրուցավարների խմբում ներառել ենք իրավաբաններ, շատ ընտանիքների տրամադրվել է իրավաբանական խորհրդատվություն»,- այս մասին նշեց ՀՔԱՎ ներկայացուցիչ Արմինե Սադիկյանը:
Նա նշեց, որ պետական մարմիների կողմից տեղեկատվություն ստանալու ճանապարհին խնդիրներ են առաջացել. «Տեղեկատվության տրամադրումը շատ վատ մակարակի վրա է գտնվել թե՛ պատերազմական օրերին, թե՛ հետպատերազմական շրջանում:
Անհետ կորած անձանց թվի մասին տեղեկություն ստանալու համար դիմել ենք ՊՆ և վարչապետի աշխատակազմ, ստացել ենք գրություն, որ դա պետական գաղտնիք է համարվում: Անհետ կորած անձանց մասին չկա մեկ միասնական տեղեկատվական բազա… Անհետ կորածների ընտանիքներ կան՝ վարկ են վերցրել, որ որոնողական աշխատանքներ կատարեն:
Մանրամասները՝ տեսանյութում:
