21.08.2026 | 14:24
Պարո՛ն Ղազարյան, ճիշտ դիրք ունեք․ երբ ես խոսում եմ, Ձեր գլուխը պիտի կախ լինի․ Վիլեն Գաբրիելյան․ ՏԵՍԱՆՅՈՒԹ
Ուկրաինական պատերազմը Թուրքիային արդեն իսկ 35-40 մլրդ դոլար է արժեցել
Քաղաքականություն
15.03.2022 | 22:19
Ուկրաինայում պատերազմն արդեն իսկ Թուրքիայի տնտեսությանն արժեցել է 35-40 մլրդ դոլար։ Այս մասին գրում են թուրքական լրատվամիջոցները՝ ներկայացնելով Թուրքիայի խոշորագույն ընկերությունները ներկայացնող բիզնես խմբի տվյալները։
Նավթի մեկ բարելի գնի յուրաքանչյուր 10 դոլար աճը Թուրքիային արժենում է մոտ 5 միլիարդ դոլար։ Այս մասին ասել է Թուրքիայի արդյունաբերողների և գործարարների ասոցիացիայի (TÜSİAD) ղեկավար Սիմոնե Կասլովսկին:
Ըստ նրա՝ սպասվում է, որ Թուրքիայի ընթացիկ դեֆիցիտը կմեծանա, իսկ ներդրումները տնտեսությունում կդանդաղեն։ Կասլովսկին մատնանշել է, որ հունվարին և փետրվարին՝ նախքան պատերազմի սկսվելը, առևտրային դեֆիցիտը կազմել է 18 միլիարդ դոլար:
«Եթե մենք հաշվի առնենք պատերազմի արժեքը էներգիայի և ապրանքների, արտահանման դանդաղեցման և զբոսաշրջության ավելի քիչ եկամուտների առումով, ապա 2022-ին մենք ստիպված կլինենք գործ ունենալ ընթացիկ հաշվի շատ ավելի մեծ դեֆիցիտի հետ, քան 2021-ին»,- ասել է նա։
Կասլովսկին նաև նշել է, որ գնաճը, որը փետրվարին հասել է տարեկան 54,4 տոկոսի, հազիվ թե նվազի մոտ 60 տոկոսի մակարդակից:
«Ներկայում մենք հաշվարկում ենք ներդրումների դանդաղում։ Վտանգ կա, որ այս տարի մենք չենք կարողանա հասնել աճի մեր ուզած ցուցանիշին։
Երկարաժամկետ հեռանկարում գնաճը շատ բարձր է և տնային տնտեսությունների բարեկեցության կորուստը՝ անվերահսկելի»,- ասել է նա։
Էմմա Չոբանյան
