09.06.2026 | 00:17
Մարկո Ռուբիոն շնորհավորել է Փաշինյանին
Բաքվում Չինաստանի դեսպանը հայտարարել է, որ չինական ընկերությունները մասնակցում են Արցախի գրավյալ տարածքների վերականգմանը
Քաղաքականություն
20.01.2022 | 21:08
Չինական ընկերությունները հետաքրքրված են Արցախի գրավյալ տարածքներում աշխատանքներին մասնակցությամբ, մասնավորապես, այդ տարածքների արդյունաբերական պարկերում արտադրության ստեղծմամբ։ Ադրբեջանական Report-ի հետ զրույցում այս մասին ասել է Ադրբեջանում Չինաստանի դեսպան Գո Մինը։
Նա նշել է, որ չինական ընկերություններն արդեն ակտիվորեն ներգրավված են Արցախի գրավյալ տարածքների վերականգնման աշխատանքներում։ Մասնավորապես, չինական Huawei ընկերությունը մասնակցում է «խելացի գյուղերի» ու «խելացի քաղաքների» ստեղծման նախագծերին։
«Վստահ եմ, որ երկկողմ հարաբերությունների զարգացմամբ ավելի շատ չինական ընկերություններ կմասնակցեն «ազատագրված հողերում» աշխատանքներին»,- ասել է Գո Մինը։
Նշենք, որ Չինաստանի դեսպանը Ադրբեջանում այն երկրների դիվանագետների թվում էր, որոնք այցելել էին Արցախի գրավյալ հայկական Շուշի քաղաք։
Էմմա Չոբանյան
