03.04.2026 | 23:13
NASA-ն հրապարակել է Երկրի նոր լուսանկարը
ՀԱՊԿ միացյալ շտաբը վերլուծում է Ղազախստանում տեղի ունեցած իրադարձությունները
Քաղաքականություն
19.01.2022 | 19:34
ՀԱՊԿ միացյալ շտաբը վերլուծում է Ղազախստանում տեղի ունեցած իրադարձությունները։ Այս մասին այսօր լրագրողների հետ հանդիպման ժամանակ հայտարարել է ՀԱՊԿ միացյալ շտաբի պետի տեղակալ Տուրալի Կոյշիկուլովը, գրում է EADaily-ն։
«Ճգնաժամի առաջին իսկ րոպեներից Հավաքական անվտանգության պայմանագրի կազմակերպության միացյալ շտաբն աշխատել է ուժեղացված ռեժիմով՝ ՀԱՊԿ անդամ երկրների պաշտպանական գերատեսչությունների գործունեությունը համակարգելու նպատակով։ Միացյալ շտաբի հիմնական խնդիրն էր կազմակերպել զինված ուժերի գլխավոր շտաբների փոխգործակցությունը Ղազախստանի Հանրապետության տարածքում ՀԱՊԿ Հավաքական խաղաղապահ ուժերի ձևավորման, վերախմբավորման և տեղակայման համար, ինչպես նաև՝ նախապատրաստական և խաղաղապահ գործողության անցկացումը»,- hայտարարել է Կոյշիկուլովը։
Նա նշել է, որ Ղազախստանում տեղի ունեցած իրադարձությունները մանրակրկիտ վերլուծվում են։ Նախանշվել են ճգնաժամային իրավիճակներին ՀԱՊԿ արձագանքման մեխանիզմների կատարելագործման ուղիները, Ճգնաժամային արձագանքման կենտրոնի գործունեությունը, ՀԱՊԿ հավաքական ուժերի նյութատեխնիկական և բժշկական աջակցության համակարգը, ինչպես նաև՝ կազմակերպության գործունեության տեղեկատվական աջակցությունը։
Տաթև Ֆռանգյան
