Նարգիլեով տղաներ՝ դպրոցի բակում, յուրացման կասկած․ նախկին տնօրենն ուզում է հետ գալ, ուսուցիչները դեմ են․ ՏԵՍԱՆՅՈՒԹ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Ապօրինություններ, գումարների շորթում, սպառնալիքներ և հայհոյանքներ. այս ամենն ուսուցիչները վերագրում են Երևանի թիվ 163 հիմնական դպրոցի նախկին տնօրեն Նարինե Վարդերեսյանին։ Նա, սակայն, չի ընդունում այս մեղադրանքները:

Դեռևս նախորդ տարվա սեպտեմբերին հայտնի դարձավ, որ նախկին տնօրենը կասկածվում է իր պաշտոնավարման ժամանակ որդուն և ընկերներին որպես պահակ աշխատանքի ընդունելու, ինչպես նաև բանվոր-հավաքարարի և ուսուցչի օգնականի ձևական հաստիքներ պահելու մեջ։ Նարինե Վարդերեսյանին կասկածում են նաև աշխատանքից ազատելու սպառնալիքով ուսուցիչներից պարգևավճարները հավաքելու, աշակերտներին երթուղայինով դպրոց տեղափոխելու և վերանորոգում կատարելու պատրվակով շուրջ երեք տարի 38 ուսուցիչներից և աշակերտների ծնողներից ամսական 5000-ական դրամ հավաքելու մեջ:

Եվ չնայած մանկավարժների մի մասի բողոքին՝ Նարինե Վարդերեսյանը, որը մեկ տարի է՝ դպրոց մուտք չունի, մտադիր է մասնակցել տնօրենի ընտրության հերթական մրցույթին․ ասում է՝ ուսուցիչների շարժումն ուղղորդված է, իսկ իրեն ոստիկանությունից չեն կանչել, ավելին՝ ինքն է ուզում դատական հայց ներկայացնել այն մանկավարժների դեմ, որոնք, իր բնութագրմամբ, արատավորել են իր անունը:

Նախկին տնօրենը պնդում է՝ երբ ինքը նոր էր նշանակվել տնօրենի պաշտոնում՝ դեռևս 2016-ից, դպրոցը 21 միլիոնի պարտք ուներ, որը մարվել է: Նարինե Վարդերեսյանի խոսքով՝ ուսուցիչներն ու ծնողներն ինքնակամ են գումարով օգնել դպրոցին, պարտադրաբար ոչինչ չի եղել, ընդ որում՝ ոչ բոլորն են մասնակցել դրամահավաքին․ շուրջ 12-15 հոգի՝ 2 տարվա կտրվածքով: Նախկին տնօրենը հայտարարում է, որ պաշտոնավարման ընթացքում դիմել է գործընկերների ու բարերարների օգնությանը, հաճախ էլ սեփական գրպանից է դպրոցի համար ներդրումներ կատարել, օրինակ՝ լուծելով տրանսպորտի հարցը:

Ինչ վերաբերում է որդուն և նրա ընկերներին աշխատանքի ընդունելուն, Նարինե Վարդերեսյանը պնդում է՝ նախկին աշխատակիցներն անբարեխիղճ են եղել, իսկ որդուն և ընկերներին նրանց փոխարեն աշխատանքի ընդունելն օրենքի խախտումով չի եղել:

Իսկ ահա ուսուցիչները լրիվ այլ պատկեր են ներկայացնում՝ պնդելով՝ նախկին տնօրենի որդին էր դպրոցը վերածել զվարճանքների վայրի, ընկերներին հաճախակի բերում էր դպրոց, նաև՝ տնօրենի սենյակ, որտեղ նույնիսկ ֆոտոսեսիաներ էին կազմակերպում։ Լուսանկարները նախկին տնօրենի որդին անգամ սոցկայքերում է հրապարակել։

Չնայած դպրոցի նախկին տնօրենի պնդումներին, թե ապօրինություններ թույլ չի տվել, կա հարուցված քրեական գործ։

ՀՀ Քննչական կոմիտեից Factor TV-ին փոխանցեցին, որ գործը հարուցված է Քրեական օրենսգրքի 179-րդ հոդվածի 2-րդ մասի առաջին կետով, այն է՝ պաշտոնեական դիրքն օգտագործելով յուրացում կամ վատնում, սակայն Նարինե Վարդերեսյանն այս պահին կասկածյալի կամ մեղադրյալի կարգավիճակ չունի։

Դպրոցի տնօրենի չորրորդ ընտրությունը հունվարի 4-ին էր, սակայն հերթական անգամ տնօրեն չընտրվեց: Առաջադրված թեկնածուների ցանկում էին տնօրենի ժամանակավոր պաշտոնակատար Անի Դանիելյանը, նախկին տնօրեն Նարինե Վարդերեսյանը և Հասմիկ Օհանյանը։ Կառավարման խորհուրդը 4 ձայն տվել է Անի Դանիելյանին և 2-ական ձայն՝ Նարինե Վարդերեսյանին ու Հասմիկ Օհանյանին, խորհրդից 1 հոգի չի ներկայացել ընտրությանը։ Բայց քանի որ դպրոցի տնօրենն ընտրվում է 6 կողմ ձայնով, ընտրությունը կրկին տապալվել է։

Լիազոր մարմնից՝ Երևանի քաղաապետարանից Factor TV-ին տեղեկացրին, որ գործող կառավարման խորհուրդը որևէ կերպ ունակ չէ խնդիրը հանգուցալուծել, աշխատում է անարդյունավետ, ուստի իրենք մտադիր են ցրել կառավարման հին խորհուրդն ու ձևավորել նորը: Հենց նոր խորհուրդն էլ կընտրի դպրոցի տնօրենին:

Մանրամասները՝ տեսանյութում։

Աննա Բաբաջանյան