07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ուկրաինական դրոնները հարձակվել են Սարատովում գտնվող նավթաբազայի վրա
Քաղաքականություն
07.12.2025 | 15:14
Սարատովի մարզի Էնգելս քաղաքում կիրակի՝ դեկտեմբերի 7-ի գիշերը, հարձակման է ենթարկվել նավթաբազա, հայտնում է DW-ն։ Ըստ ալիքի՝ ուկրաինական անօդաչու թռչող սարքերի հարվածը բազայում հրդեհ են առաջացրել։ Տուժածների մասին տեղեկություններ չկան։ Պաշտոնական կառույցները դեռ չեն հաստատում նավթաբազայի վնասման փաստը։
Ավելի վաղ տարածաշրջանի նահանգապետ Ռոման Բուսարգինը Telegram-ի իր ալիքով զգուշացրել էր ԱԹՍ հարձակման ռիսկի մասին։ Ռուսաստանի Պաշտպանության նախարարությունը հայտնել էր, որ գիշերվա ընթացքում Սարատովի մարզի երկնքում խոցվել է 42 ուկրաինական անօդաչու։
Դրոնների հարվածի է ենթարկվել Ռոստովի մարզը։ Անօդաչուն վնասել է էլեկտրահաղորդման գծի հենասյունը, ինչի հետևանքով 250 բնակիչ մնացել է անլույս։
Ըստ ՌԴ Պաշտպանության նախարարության՝ գիշերվա ընթացքում հակաօդային պաշտպանությունը «խափանել և ոչնչացրել» է 77 ուկրաինական ինքնաթիռային տիպի անօդաչուներ։ Դրանցից 42–ը խոցվել են Սարատովի մարզում, 12–ը՝ Ռոստովի, 10–ը՝ Ղրիմում, 9–ը՝ Վոլգոգրադի մարզում, երկուսը՝ Բելգորոդում, իսկ մեկական՝ Աստրախանում և Չեչնիայում։
