17.11.2024 | 21:43
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
Ադրբեջանում հայ գերիները բռնության են ենթարկվել նաև բուժաշխատողների կողմից․ Աննա Մելիքյան․ ՏԵՍԱՆՅՈՒԹ
Հասարակություն
17.12.2021 | 11:58
Այսօր ներկայացվեց «Մարդու իրավունքների խախտումը 44-օրյա պատերազմի ընթացքում» զեկույցը։
«Հայ գերիները ադրբեջանցիների կողմից բռնության են ենթարկվել գերեվարման պահից սկսած՝ ճանապարհին, մեքենայով տեղափոխելիս, այլ վայրերում պահելիս, ընդհուպ՝ բանտ տեղափոխելիս»,- այս մասին նշեց «Իրավունքների պաշտպանություն առանց սահմանների» ՀԿ ներկայացուցիչ Աննա Մելիքյանը։
Նրա տեղեկացմամբ՝ գերիներին շղթայել են խոնավ, ցուրտ սենյակներում, ենթարկել ծեծի, մի քանի օր սնունդ չեն տրամադրել։
«Հարկադրել են ասել, որ «Ղարաբաղն Ադրբեջան է», հարկադրել են հայհոյել ՀՀ բարձրաստիճան պաշտոնյաներին. ծանր վիրավորում ստացած անձանց հրամայել են չնստել, չպառկել, իսկ հրամանը խախտողները պատժվել են», – իրավիճակը ներկայացրեց ՀԿ ներկայացուցիչը։
Աննա Մելիքյանի խոսքով՝ հայ գերիների նկատմամբ կիրառել են էլեկտրահարիչներ, ձեռքերը ծխախոտով վառել են, կտրել են ականջը, ձեռքերը, եղել են գլխատման դեպքեր:
«Գերիների նկատմամբ բռնություն են կիրառել նաև բուժաշխատողները», – ընդգծեց Մելիքյանը։
Մանրամասները՝ տեսանյութում:
